Aqbaian Muqanǵalieva em qabyldaý úshin Almaty qalasyna keldi. Qai emdeý mekemesine júgingeni jáne emniń qansha ýaqytqa sozylatyny ázirge belgisiz, dep habarlaidy ult.kz.

Buǵan deiin jaqyndary Aqbaiandy Almatyǵa nemese Astanaǵa aparyp, bilikti mamandarǵa kórsetýdi josparlap júrgenin aitqan. Týystary onyń emin jalǵastyrýǵa qoldaý qajet ekenin de jetkizgen edi. 

Aqbaian buǵan deiingi suhbatynda psihologqa aptasyna eki ret baryp júrgenin aitqan. Ol densaýlyǵyn qalpyna keltirip, bes balasyn qaitadan óz qamqorlyǵyna alǵysy keletinin jetkizgen. Qazir oǵan jaqyndary qoldaý kórsetip keledi. 

Aita keteiik, Aqbaian Muqanǵalieva alǵash ret suhbat berdi.

Ne jaǵdai boldy? 
 

Aqbaian Muqanǵalieva – Atyraý oblysyndaǵy Jangeldin aýylynda bir otbasynyń tórt múshesi qaza tapqan oqiǵada ata-anasy men eki baýyrynan aiyrylǵan áiel. Onyń burynǵy kúieýi Sultan Sársemaliev osy qylmys úshin ómir boiyna bas bostandyǵynan aiyrylǵan.

Oqiǵadan keiin Aqbaian em qabyldap, dárigerlerdiń baqylaýynda bolǵan. Jaqyndarynyń aitýynsha, oǵan ata-anasy men baýyrlarynyń qaitys bolǵanyn áli aitpaǵan: mamandar onyń aýyr habardy estýge ázirge daiyn emes ekenin eskertken. Bes balasy ýaqytsha arnaiy mekemelerge ornalastyrylǵan. Aqbaian densaýlyǵyn túzep, balalaryn óz qamqorlyǵyna qaitarýdy qalaidy.