Atyraý oblysynyń Jangeldin aýylyndaǵy qaiǵyly oqiǵadan zardap shekken otbasynyń kenje qyzy Aqbaian Muqanǵalieva alǵash ret jýrnalisterge suhbat berdi. Bul týraly KTK arnasy málimdedi, dep habarlaidy ult.kz.

Arna málimetinshe, Aqbaian qandy oqiǵadan beri buǵan deiin jýrnalistermen tildespegen. Uzaq ýaqyt em izdegen áiel qazir týystarynyń qamqorlyǵynda, ómirge qaita beiimdelip keledi.

Onyń bes balasy balalar úiinde tárbielenip jatyr. Ananyń bar armany – densaýlyǵyn qalpyna keltirip, balalaryn qaita baýyryna basý. Alaida oǵan ázirge bilikti dárigerlerdiń emi men kópshiliktiń qoldaýy qajet ekeni aityldy.

Aita keteiik, Aqbaian Muqanǵalieva týraly tyń derek shyqty.

Ne jaǵdai boldy? 
 

Jangeldindegi tragediia - bir otbasynyń tórt múshesi óltirilgen oqiǵa. Qaza tapqandar — Aqbaian Muqanǵalievanyń ákesi Maqsot Qarabalin, anasy Násip Óteshqalieva, aǵasy Naýryz jáne ápkesi Miramgúl. Olar áýeli iz-túzsiz joǵalǵan dep izdestirilgen. Keiin ata-anasynyń denesi Jangeldindegi úiiniń aýlasynan, al aǵasy men ápkesiniń denesi Atyraýdaǵy jaldamaly úidiń aýlasynan tabylǵan.

Osy qylmys úshin Aqbaiannyń burynǵy kúieýi Sultan Sársemaliev 2026 jylǵy 14 shildede ómir boiyna bas bostandyǵynan aiyryldy. Sot ony tórt týysyn óltirgeni úshin kináli dep tanydy. Úkim zańdy kúshine engen.

Aqbaiannyń ózi bastapqyda kúdikke ilingenimen, keiin týystarynyń ólimine qatysy joq ekeni anyqtalyp, adam óltirý boiynsha oǵan qatysty qylmystyq qýdalaý toqtatyldy. Ol em qabyldaǵan. Qazir týystarynyń qoldaýymen qalypty ómirge beiimdelip júr, bes balasyn qaita baýyryna alǵysy keledi.