Qazaqstandyq "Jigitter" tobynyń múshesi Myrzahan Mahanov úilendi. Óner iesiniń ómirindegi qýanyshty jańalyqty áriptesi Baǵlan Ábdiraiymov kópshilikpen bólisti, dep habarlaidy ult.kz.
Baǵlan Ábdiraiymov áleýmettik jelidegi paraqshasynda Myrzahan Mahanovtyń úilený toiynan beinejazba jariialap, jas jubailarǵa izgi tilegin jetkizdi.
Toidan taraǵan kadrlar áleýmettik jeli qoldanýshylarynyń da nazaryn aýdardy. Kópshilik ánshiniń shańyraq kótergenine qýanyp, jańa ómirge qadam basqan jupqa baqyt pen bereke tiledi.
Jelide óner iesiniń otbasylyq ómirindegi mańyzdy oqiǵaǵa qatysty jyly lebizder aitylyp jatyr.
Aita keteiik, Myrzahan Mahanov – kópshilikke "Jigitter" toby arqyly tanylǵan ánshi. Ujym qazaq estradasynda ózindik ornyn qalyptastyryp, kóptegen tanymal ánderdi oryndap keledi.
Myrzahan Mahanov kim?
Myrzahan Mahanov – qazaqstandyq ánshi, kópshilikke "Jigitter" kvartetiniń múshesi retinde tanylǵan óner iesi. Ol 1984 jyly Ońtústik Qazaqstan oblysynda (qazirgi Túrkistan oblysy) dúniege kelgen. Ánshi 2007 jyly Erkin Nurjanovtyń ornyna "Jigitter" tobyna qosylǵan. Sodan beri ujym quramynda óner kórsetip, qazaq estradasynda ózindik ornyn qalyptastyrdy.
2025 jyly "Qazaqstan" telearnasynyń "Bárekeldi" baǵdarlamasyna bergen suhbatynda Myrzahan balalyq shaǵynda kórgen qiyndyqtaryn eske alǵan. Onyń aitýynsha, ákesi erte qaitys bolyp, otbasynyń bar jaýapkershiligi anasyna júktelgen. Turmystyq qiyndyqtarǵa bailanysty ánshi jastaiynan eńbek etip, dámhanalarda án aityp, tabys tabýǵa májbúr bolǵan.
Sondai-aq ol bala kezinen án óńdeýdi úirenip, mýzykalyq qabiletin damytqan.
2017 jyly daýys bailamdaryna zaqym kelýine bailanysty Reseidiń Sankt-Peterbýrg qalasynda ota jasatqan.
Ónerdegi qiyndyqtarǵa qaramastan, Myrzahan Mahanov "Jigitter" kvartetimen shyǵarmashylyq jolyn jalǵastyryp keledi.
