Tanymal prodiýser Móldir Muqan densaýlyǵyna qatysty jazba jariialap, dárigerge qaralýyna ne sebep bolǵanyn aitty, dep habarlaidy ult.kz.

Óner iesi Instagram paraqshasyndaǵy storisinde stomatologiialyq emhanaǵa barǵan sátinen sýret jariialaǵan. Onyń aitýynsha, kúndelikti qarbalas tirshiliktiń saldarynan adam keide óz densaýlyǵyna jetkilikti kóńil bólmei qalady.

"Shabys dep júrip densaýlyqqa qaramai ketip jatamyz. Tisim syzdap, emge keldim. Otbasymyzben Altai dentte emdelip júrgenimizge 8 jyldan asypty", - dep jazdy Móldir Muqan.

Prodiýser tisiniń aýyrǵanyn aityp, ýaqyt taýyp dárigerge qaralǵanyn jetkizdi. Sondai-aq otbasy múshelerimen birge segiz jyldan astam ýaqyt boiy bir stomatologiialyq emhananyń qyzmetine júginip júrgenin atap ótti.

Aita keteiik, Móldir Muqannyń eks-enesimen sýreti tarady. 

Móldir Muqan kim?

Móldir Muqan (Muqanova) – qazaqstandyq prodiýser, ánshi, aktrisa jáne kásipker. Ol kópshilikke tanymal ázilkesh Tursynbek Qabatovtyń burynǵy jubaiy retinde de belgili. Ekeýiniń ortaq bes balasy bar.

Móldir Muqannyń negizgi mamandyǵy – ekonomist. Joǵary oqý ornyn úzdik diplommen támamdap, 21 jasynan bastap memlekettik qyzmette eńbek etken. Ónerge bala kezinen jaqyn bolyp, baýyrlarymen birge «Muqanovtar» otbasylyq ansamblinde óner kórsetken. Baian, dombyra jáne fortepianoda oinaidy.

Tórtinshi balasy dúniege kelgennen keiin memlekettik qyzmetten ketip, balalarǵa arnalǵan «MM» óner mektebin ashqan. Keiin prodiýserlikke bet buryp, ánshi ári dombyrashy Aqtoty Bolyshevamen jumys istegen.

2025 jyly «Shái v bolshom gorode» tolyqmetrajdy filminiń prodiýseri boldy. Sonymen qatar ánshilik qyryn tanytyp, «Ótirik», «Ómir súr qalma elden» ánderin jaryqqa shyǵardy. 2025 jyly Tursynbek Qabatovpen zańdy túrde ajyrasqanyn jariialady. Qazir shyǵarmashylyq jobalaryn damytyp, áleýmettik jelide belsendilik tanytyp júr.