Aqtóbede jihaz jasap beremin dep tapsyrys berýshiniń aqshasyn iemdendi degen kúdikpen 27 jastaǵy jergilikti turǵyn anyqtaldy. Politsiia onyń osyǵan uqsas taǵy 15 derekke qatysy bar-joǵyn tekserip jatyr, dep habarlaidy ult.kz.
Polisia.kz málimetinshe, kúdikti tapsyrys berýshilerdiń birinen jihaz daiyndaý syltaýymen 3 mln teńgeden astam aqsha alǵan.
Qazir politsiia istiń mán-jaiyn anyqtap, yqtimal zardap shekkenderdi izdestirip jatyr.
Quqyq qorǵaý organdary azamattarǵa jihazǵa tapsyrys bergende oryndaýshyny aldyn ala tekserip, jumys merzimi, quny men tólem tártibi kórsetilgen jazbasha kelisimshart jasaýdy eskertedi. Aqsha aýdarylǵanyn rastaityn qujattardy da saqtaý qajet.
