Petropavlda kásiporyn qyzmetkeri jalǵan aqshany qaitarý operatsiialaryn rásimdep, kassadan 18 mln teńge jymqyrǵan, dep habarlaidy ult.kz.
Sot málimetinshe, er adam buryn oryndalǵan tapsyrystar úshin aqshany qaitarǵandai kórsetken. Alaida klientter tapsyrystaryn joimaǵan ári qarajattaryn almaǵan. Qyzmetker aqshany kassadan qolma-qol alyp otyrǵan.
Onyń kinási kýágerlerdiń aiǵaqtarymen, «1S» baǵdarlamasynyń derekterimen, saraptama qorytyndylarymen jáne beinejazbamen dáleldengen.
Birinshi satydaǵy sot er adamdy 8 jylǵa bas bostandyǵynan aiyryp, materialdyq jaýapkershilikke bailanysty laýazymdardy atqarýǵa tyiym salǵan. Sottalǵan azamat jazany jeńildetýdi surap, kassatsiialyq shaǵym túsirgen.
Alaida kassatsiialyq sot onyń ýájderin qabyldamai, burynǵy úkimdi ózgerissiz qaldyrdy.
