Atyraýdaǵy saýda úileriniń birinde áielder ájethanasyna kirgen 21 jastaǵy jigit ákimshilik jaýapkershilikke tartyldy. Oqiǵa túsirilgen beinejazba áleýmettik jelide taraǵan, dep habarlaidy ult.kz.
Oblystyq politsiia departamentiniń málimetinshe, oqiǵa 24 qazanda bolǵan. Áleýmettik jelide jariialanǵan videoda áiel adamnyń jigitten túsinikteme talap etip jatqanyn kórýge bolady.
Politsiianyń habarlaýynsha, er adam qoǵamdyq tártipti buzyp, ainalasyndaǵylarǵa qurmetsizdik tanytqan.
Oǵan qatysty usaq buzaqylyq faktisi boiynsha ákimshilik is qozǵalyp, materialdar sotqa joldandy. Sot sheshimimen jigit ákimshilik jaýapkershilikke tartylyp, aiyppul salyndy.
