Prezidentke sot júiesinde biylǵy toǵyz aida atqarylǵan jumys nátijeleri, sot isin júrgizý úderisin tsifrlandyrý barysy, sondai-aq azamattardyń sot júiesine senimin arttyrý sharalary týraly baiandaldy. Bul týraly , Joǵarǵy sottyń baspasóz qyzmeti habarlaidy, dep jazady ult.kz.
Aslambek Merǵaliev sot organdary 24,8 myń qylmystyq isti qaraǵanyn aitty.
Onyń sózinshe azamattyq isterdiń sany 28,4 paiyzǵa ulǵaiyp, 605 myńnan asty. Buǵan bankrottyqqa, turǵyn úi jáne jer daýlaryna qatysty talap-aryzdar men kelisimsharttyq mindettemeler boiynsha ister sanynyń artýy sebep bolyp otyr.
Sondai-aq 29,2 myń ákimshilik is jáne 319 myń ákimshilik quqyqbuzýshylyq týraly is qaraldy. Daýlardyń jartysyna jýyǵy mediatsiiamen jáne basqa da balama joldarmen rettelgenin jetkizdi.
Kassatsiialyq sotqa 18 myńnan astam shaǵym kelip tústi. Olardy qarastyrý nátijesinde apelliatsiialyq satyda túzetilgen sot aktileriniń sany eki ese, iaǵni 934-ten 1704-ke deiin ósti.
Sonymen qatar Ulttyq statistika biýrosynyń málimetine sáikes, sot júiesine absoliýtti senim deńgeii 2023 jyldan beri 55,2 paiyzdan 69,7 paiyzǵa deiin ósken.
Sonymen qatar ol Memleket basshysyna sot júiesin kadrmen qamtamasyz etý týraly málimet berdi.
Prezident óz sózinde sot tóreligi sapasyn jaqsartý jáne sot júiesin jańǵyrtý sharalaryn iske asyrý qajettigine nazar aýdardy.
