Túrkistan oblysynda sharýashylyqtar óndirilgen sút kólemin jalǵan qujattar arqyly segiz ese asyryp kórsetip, biýdjetten zańsyz sýbsidiia alǵan. Prokýratýra tekserisi barysynda aýyl sharýashylyǵy salasynda 1 mlrd teńgege jýyq biýdjet qarajatyn jymqyrý derekteri anyqtaldy, dep habarlaidy ult.kz.
Túrkistan oblysy prokýratýrasynyń málimetinshe, oblystyq aýyl sharýashylyǵy basqarmasynda júrgizilgen tekserý kezinde júieli zań buzýshylyqtar áshkerelengen.
Atap aitqanda, Sairam aýdanyndaǵy sharýa qojalyqtary óndirilgen sút kólemi týraly jalǵan málimetter usynyp, naqty kórsetkishti segiz ese artyq kórsetken. Sonyń negizinde biýdjetten zańsyz sýbsidiia alǵan.
Tekserý qorytyndysy boiynsha sýbsidiia qarajatyn jymqyrýǵa qatysty eki derek tirkelgen. Asa iri mólsherdegi alaiaqtyq belgileri boiynsha sotqa deiingi tergep-tekserý oblystyń arnaiy prokýrorlaryna tapsyrylǵan.
Qazirgi ýaqytta tórt kúdiktige qatysty bir qylmystyq is boiynsha tergeý aiaqtaldy. Biýdjetke 40 mln teńge qaitarylyp, quny 100 mln teńgeden asatyn kúdiktilerdiń múlkine tyiym salyndy.
Ekinshi qylmystyq is boiynsha tergeý jalǵasyp jatyr.
