تٷركٸستان وبلىسىندا شارۋاشىلىقتار ٶندٸرٸلگەن سٷت كٶلەمٸن جالعان قۇجاتتار ارقىلى سەگٸز ەسە اسىرىپ كٶرسەتٸپ, بيۋدجەتتەن زاڭسىز سۋبسيدييا العان. پروكۋراتۋرا تەكسەرٸسٸ بارىسىندا اۋىل شارۋاشىلىعى سالاسىندا 1 ملرد تەڭگەگە جۋىق بيۋدجەت قاراجاتىن جىمقىرۋ دەرەكتەرٸ انىقتالدى, دەپ حابارلايدى ult.kz.
تٷركٸستان وبلىسى پروكۋراتۋراسىنىڭ مەلٸمەتٸنشە, وبلىستىق اۋىل شارۋاشىلىعى باسقارماسىندا جٷرگٸزٸلگەن تەكسەرۋ كەزٸندە جٷيەلٸ زاڭ بۇزۋشىلىقتار ەشكەرەلەنگەن.
اتاپ ايتقاندا, سايرام اۋدانىنداعى شارۋا قوجالىقتارى ٶندٸرٸلگەن سٷت كٶلەمٸ تۋرالى جالعان مەلٸمەتتەر ۇسىنىپ, ناقتى كٶرسەتكٸشتٸ سەگٸز ەسە ارتىق كٶرسەتكەن. سونىڭ نەگٸزٸندە بيۋدجەتتەن زاڭسىز سۋبسيدييا العان.
تەكسەرۋ قورىتىندىسى بويىنشا سۋبسيدييا قاراجاتىن جىمقىرۋعا قاتىستى ەكٸ دەرەك تٸركەلگەن. اسا ٸرٸ مٶلشەردەگٸ الاياقتىق بەلگٸلەرٸ بويىنشا سوتقا دەيٸنگٸ تەرگەپ-تەكسەرۋ وبلىستىڭ ارنايى پروكۋرورلارىنا تاپسىرىلعان.
قازٸرگٸ ۋاقىتتا تٶرت كٷدٸكتٸگە قاتىستى بٸر قىلمىستىق ٸس بويىنشا تەرگەۋ اياقتالدى. بيۋدجەتكە 40 ملن تەڭگە قايتارىلىپ, قۇنى 100 ملن تەڭگەدەن اساتىن كٷدٸكتٸلەردٸڭ مٷلكٸنە تىيىم سالىندى.
ەكٸنشٸ قىلمىستىق ٸس بويىنشا تەرگەۋ جالعاسىپ جاتىر.
