بەلگٸلٸ كومپوزيتور التىنبەك قورازباەۆ مارقۇم اكتەر اسانەلٸ ەشٸموۆپەن اراداعى سىيلاستىعى تۋرالى سىر شەرتٸپ, كٶزٸنە جاس الدى.  سونداي-اق ول اكتەرگە ارناپ جازعان «جان بالام» ەنٸنٸڭ قالاي دٷنيەگە كەلگەنٸن ايتىپ بەردٸ, دەپ حابارلايدى ult.kz.

كومپوزيتوردىڭ ايتۋىنشا, اسانەلٸ ەشٸموۆ ەكەۋٸنٸڭ قارىم-قاتىناسى ەرٸپتەستٸكپەن شەكتەلمەگەن. اكتەر ونى تۋعان باۋىرىنداي جاقىن تارتىپ, ٷنەمٸ ەرەكشە ىقىلاس تانىتقان.

التىنبەك قورازباەۆ وسىدان 36 جىل بۇرىن بولعان قىزىقتى وقيعانى دا ەڭگٸمەلەدٸ. سول ۋاقىتتا كومپوزيتور جاڭادان كٶلٸك ساتىپ العان ەكەن. جامبىل نٶمٸرلٸ تەمٸر تۇلپارىن كٶرگەن اسانەلٸ ەشٸموۆ ونى قۇتتىقتاپ, ەكەۋٸ داستارقان باسىندا ەڭگٸمەلەسكەن.

الايدا كومپوزيتور ەرتەڭٸنە ۇشاقپەن جولعا شىعاتىنىن ايتقاندا, اكتەر كٷتپەگەن ەرەكەت جاساعان.

"ەرتەڭ ۇشامىن دەپ ەدٸم, بيلەتٸمدٸ جىرتىپ تاستادى دا: “ەرتەڭ ماشينامەن بارامىز”, – دەدٸ. سولاي مەنٸ ەركەلەتەتٸن", – دەپ ەسكە الدى التىنبەك قورازباەۆ.

كومپوزيتور بۇل وقيعانى اسانەلٸ ەشٸموۆتٸڭ ٶزٸنە دەگەن اعالىق مەيٸرٸمٸ مەن جاقىندىعىنىڭ بٸر كٶرٸنٸسٸ رەتٸندە باياندادى.

ايتا كەتەيٸك, التىنبەك قورازباەۆ نەمەرەسٸنە كەلٸن ٸزدەپ جٷرگەنٸن ايتتى.

التىنبەك قورازباەۆ كٸم?

التىنبەك قورازباەۆ – قازاقتىڭ بەلگٸلٸ كومپوزيتورى, ەنشٸ, قازاقستاننىڭ حالىق ەرتٸسٸ, قازاقستاننىڭ ەڭبەك ەرٸ. ول قازاق ەستراداسى مەن دەستٷرلٸ ەن ٶنەرٸنٸڭ دامۋىنا ەلەۋلٸ ٷلەس قوسقان ٶنەر قايراتكەرٸ.

التىنبەك قورازباەۆ 1948 جىلى 1 اقپاندا جامبىل وبلىسىنىڭ مەركٸ اۋدانىندا دٷنيەگە كەلگەن. ول ەنشٸلٸك جەنە كومپوزيتورلىق شىعارماشىلىعىمەن حالىققا كەڭٸنەن تانىلدى.

كومپوزيتوردىڭ ەل اراسىندا كەڭ تاراعان تۋىندىلارىنىڭ قاتارىندا «قارا كەمپٸر», «قارا شال», «اياۋلى تارازىم», «ساعىندىم الماتىمدى», «مەڭگٸلٸك ماحاببات» جەنە «جان بالام» ەندەرٸ بار.

ونىڭ شىعارمالارىندا تۋعان جەرگە سٷيٸسپەنشٸلٸك, اتا-اناعا قۇرمەت, ماحاببات, ادام تاعدىرى مەن ۇلتتىق قۇندىلىقتار كەڭٸنەن كٶرٸنٸس تابادى.

التىنبەك قورازباەۆ ۇزاق جىلدار بويى ٶنەر سالاسىندا ەڭبەك ەتٸپ, جاس ەنشٸلەرگە قولداۋ كٶرسەتٸپ كەلەدٸ. ول قازاق مۋزىكا ٶنەرٸندەگٸ ەڭ تانىمال كومپوزيتورلاردىڭ بٸرٸ سانالادى.