تانىمال اكتريسا داريعا بادىقوۆانىڭ بۇرىنعى كٷيەۋٸ دارحان مۇساەۆ ەلەۋمەتتٸك جەلٸدەگٸ كەزەكتٸ جازباسىمەن كٶپشٸلٸكتٸڭ نازارىن اۋداردى. ول اقشا مەن باقىتتىڭ اراقاتىناسىنا قاتىستى استارلى پٸكٸرٸن جارييالادى, دەپ حابارلايدى ult.kz.
دارحان مۇساەۆ Instagram جەلٸسٸندەگٸ جەكە پاراقشاسىندا تابيعات اياسىندا تٷسٸرٸلگەن بەينەجازباسىن بٶلٸسكەن. ۆيدەودا ونىڭ تاۋلى ايماقتا سەرۋەندەپ جٷرگەنٸن كٶرۋگە بولادى. ال بەينەجازبانىڭ بەتٸنە جازىلعان سٶز كٶپشٸلٸكتٸ ويلاندىردى.
"اقشا باقىت ەمەس دەيدٸ, بٸراق اقشاسىز باقىتتى بولۋدىڭ جولىن ايتاتىن ادامداردىڭ ٶزٸ تەگٸن كەڭەس بەرمەيدٸ", - دەپ جازدى ول.
دارحان مۇساەۆ بۇل سٶزدەرٸ ارقىلى قوعامدا جيٸ ايتىلاتىن «اقشا باقىت ەمەس» دەگەن تٷسٸنٸككە ٶزٸندٸك كٶزقاراسىن بٸلدٸرگەندەي بولدى.
ايتا كەتەيٸك, داريعا بادىقوۆا مەن ولجاس اباي كٶپشٸلٸككە جاڭا تۋىندىسىن ۇسىندى.
دارحان مۇساەۆ كٸم?
دارحان مۇساەۆ – قازاقستاندىق تەاتر جەنە كينو اكتەرٸ, شىعارماشىلىق سالا ٶكٸلٸ. ول كٶپشٸلٸككە تانىمال اكتريسا داريعا بادىقوۆانىڭ بۇرىنعى كٷيەۋٸ رەتٸندە دە بەلگٸلٸ.
دارحان مۇساەۆ تەاتر ٶنەرٸمەن اينالىسىپ, وتاندىق كينو جوبالارىنا قاتىسقان. ول داريعا بادىقوۆامەن بٸرگە «كٷيەۋ بالا» تەلەحيكاياسىندا ەرلٸ-زايىپتىلاردىڭ رٶلٸن سومداعان.
2025 جىلدىڭ قىركٷيەگٸندە اكتەر داريعا بادىقوۆامەن اجىراسقانىن كٶپشٸلٸككە جارييالادى. ونىڭ ايتۋىنشا, ەكەۋٸ 2008 جىلعى 11 تامىزدا شاڭىراق كٶتەرٸپ, 16 جىل وتباسىلىق ٶمٸر سٷرگەن. ال 2024 جىلدىڭ كٷزٸندە زاڭدى تٷردە اجىراسقان.
اجىراسقاننان كەيٸن دارحان مۇساەۆ شىعارماشىلىق قىزمەتٸن جالعاستىرىپ, كينو ٶندٸرٸسٸنە دەن قويا باستادى. 2026 جىلدىڭ اقپانىندا ول جاڭا فيلم تٷسٸرۋگە دايىندالىپ جاتقانىن, جوباعا قاجەتتٸ سەرٸكتەستەر مەن يدەيالاردى تاپقانىن حابارلادى.
