Tanymal aktrisa Dariǵa Badyqovanyń burynǵy kúieýi Darhan Musaev áleýmettik jelidegi kezekti jazbasymen kópshiliktiń nazaryn aýdardy. Ol aqsha men baqyttyń araqatynasyna qatysty astarly pikirin jariialady, dep habarlaidy ult.kz.
Darhan Musaev Instagram jelisindegi jeke paraqshasynda tabiǵat aiasynda túsirilgen beinejazbasyn bólisken. Videoda onyń taýly aimaqta serýendep júrgenin kórýge bolady. Al beinejazbanyń betine jazylǵan sóz kópshilikti oilandyrdy.
"Aqsha baqyt emes deidi, biraq aqshasyz baqytty bolýdyń jolyn aitatyn adamdardyń ózi tegin keńes bermeidi", - dep jazdy ol.
Darhan Musaev bul sózderi arqyly qoǵamda jii aitylatyn «Aqsha baqyt emes» degen túsinikke ózindik kózqarasyn bildirgendei boldy.
Aita keteiik, Dariǵa Badyqova men Oljas Abai kópshilikke jańa týyndysyn usyndy.
Darhan Musaev kim?
Darhan Musaev – qazaqstandyq teatr jáne kino akteri, shyǵarmashylyq sala ókili. Ol kópshilikke tanymal aktrisa Dariǵa Badyqovanyń burynǵy kúieýi retinde de belgili.
Darhan Musaev teatr ónerimen ainalysyp, otandyq kino jobalaryna qatysqan. Ol Dariǵa Badyqovamen birge «Kúieý bala» telehikaiasynda erli-zaiyptylardyń rólin somdaǵan.
2025 jyldyń qyrkúieginde akter Dariǵa Badyqovamen ajyrasqanyn kópshilikke jariialady. Onyń aitýynsha, ekeýi 2008 jylǵy 11 tamyzda shańyraq kóterip, 16 jyl otbasylyq ómir súrgen. Al 2024 jyldyń kúzinde zańdy túrde ajyrasqan.
Ajyrasqannan keiin Darhan Musaev shyǵarmashylyq qyzmetin jalǵastyryp, kino óndirisine den qoia bastady. 2026 jyldyń aqpanynda ol jańa film túsirýge daiyndalyp jatqanyn, jobaǵa qajetti seriktester men ideialardy tapqanyn habarlady.
