Tanymal ázilkesh Tursynbek Qabatovtyń burynǵy jary, prodiýser Móldir Muqan áleýmettik jelidegi paraqshasynda eks-enesine qatysty jazbasy tarady. Óner iesiniń «Kelin ene topyraǵynan jaralǵan» degen sózi kópshiliktiń nazaryn aýdardy, dep habarlaidy ult.kz.
Móldir Muqan bul joly otbasy taqyrybyn qozǵap, enesine qatysty oiyn kópshilikpen bólisken. Onyń jazbasyndaǵy «Kelin ene topyraǵynan jaralǵan» degen tirkes erekshe nazar aýdartty. Keiinnen jazba 2020 jyly salynǵany belgili boldy.
Aita keteiik, Móldir Muqan oqyrmandaryna aqshalai syilyq taratpaq.
Móldir Muqan kim?
Móldir Muqan – qazaqstandyq prodiýser, telejúrgizýshi jáne shyǵarmashylyq jobalardyń uiymdastyrýshysy. Ol kópshilikke tanymal ázilkesh Tursynbek Qabatovtyń burynǵy jary retinde de belgili.
Móldir Muqan uzaq jyldar boiy óner salasynda eńbek etip, kontserttik baǵdarlamalar men túrli shyǵarmashylyq jobalardyń uiymdastyrylýyna atsalysqan. Sonymen qatar ol áleýmettik jelide belsendi bolyp, otbasy, bala tárbiesi, áieldiń qoǵamdaǵy orny jáne jeke ómirine qatysty oilaryn bólisip otyrady.
Negizgi mamandyǵy – ekonomist. Joǵary oqý ornyn úzdik diplommen bitirip, 21 jasynan bastap memlekettik qyzmette jumys istegen. Keiin balalarǵa arnalǵan «MM» óner mektebin ashyp, prodiýserlik qyzmetke bet burǵan. Ánshi Aqtoty Bolyshevamen jumys istep, ózi de ánshilik jáne akterlik qyrynan tanyldy.
Móldir Muqan men Tursynbek Qabatovtyń bes balasy bar. 2025 jyly ol ázilkeshpen zańdy túrde ajyrasqanyn málimdedi. Keiin jeke shyǵarmashylyǵyn damytyp, «Ótirik» ánin jaryqqa shyǵardy jáne «Shái v bolshom gorode» filminiń prodiýseri boldy.
