"Qazaq arýy–2024" baiqaýynyń jeńimpazy Aqkerbez Ysqaqqyzy men erkin kúres sheberi Ákejan Aitbekovtiń úilený toiy áleýmettik jelide qyzý talqylanyp jatyr. Bul joly kópshiliktiń nazaryn jas jubailardyń erekshe úlgide jasalǵan alyp torty aýdardy, dep habarlaidy ult.kz.
Jaqynda ǵana uzatý jáne úilený toiyn ótkizgen Aqkerbez Ysqaqqyzy Instagram paraqshasynda saltanatty keshten beinejazba jariialady. Videoda jas jubailardyń ádettegidei torttyń qasynda emes, onyń ortasynda turǵanyn kórýge bolady.
Toiǵa arnaiy daiyndalǵan tátti sheńber pishininde jasalyp, jas jubailardy jan-jaǵynan qorshap turǵan. Aq tústi alyp torttyń beti qulpynaimen kómkerilip, jiekteri qyzyl órnektermen bezendirilgen.
Aq kóilek kigen Aqkerbez ben qara kostiýmdegi Ákejan torttyń ortasyna kirip, ony ishki jaǵynan kesken. Erekshe bezendirilgen tátti jas jubailardyń bul sátti kópshilikten oqshaý, ekeýi ǵana atap ótýine múmkindik bergendei áser qaldyrdy.
Beinejazbada "Mundai tortty Qazaqstannan kórmegen shyǵarsyz. Qazaqstanǵa jańa trend keldi" degen jazý kórsetilgen. Al Aqkerbez bul sátti baqytty kúnderiniń tátti qorytyndysy retinde sipattaǵan.
"Tortty asabaǵa bermesin dep qorshap qoiǵan ba?"
Jas jubailardyń erekshe tańdaýy jeli qoldanýshylaryn beijai qaldyrmady. Biri torttyń sánine súisinse, endi biri onyń kólemin ázilge ainaldyrǵan.
"Tortty tamadaǵa bermesin dep qorshap qoiǵan-aý", "Tort problema boldy ǵoi", – dep jazǵan jeli qoldanýshylary.
Keibir pikir qaldyrýshylar torttyń qorshaý tárizdi jasalǵanyn qaljyńǵa ainaldyryp, jas jubailardyń bul sátine ene de, asaba da aralasa almaitynyn aitqan. Degenmen mundai erekshe konditerlik týyndyǵa qatysty kópshiliktiń pikiri ekige bólindi. Birqatar qoldanýshy ony zamanaýi ári sándi sheshim dep baǵalasa, basqalary ysyrapshyldyqqa jatqyzǵan.
Tipti keibiri mundai kólemdegi tortqa jumsalǵan qarajatty muqtaj jandarǵa kómektesýge baǵyttaǵan durys degen pikir bildirgen.
Alaida torttyń naqty salmaǵy men qansha qarajatqa daiyndalǵany týraly málimet jariialanbaǵan.
Aqkerbez Ysqaqqyzynyń kúieýi kim?
Eske salaiyq, Aqkerbez Ysqaqqyzy – "Qazaq arýy–2024" ulttyq sulýlyq baiqaýynyń jeńimpazy. Ol Qyzylorda oblysynyń týmasy, ál-Farabi atyndaǵy Qazaq ulttyq ýniversitetiniń stýdenti.
Onyń jary Ákejan Aitbekov – erkin kúrespen ainalysatyn sportshy.
Jas jubailardyń uzatý jáne úilený toiynan jariialanǵan beinejazbalary buǵan deiin de áleýmettik jelide qyzý talqylanǵan.
Bul joly da erekshe tort kópshiliktiń nazaryn aýdaryp, túrli pikirge sebep boldy. Soǵan qaramastan jeli qoldanýshylary Aqkerbez ben Ákejanǵa aq tilekterin arnap, otbasylyq ómirlerine baqyt tileýde.
