Qyrǵyzstannyń belgili qoǵam qairatkeri, áigili jazýshy Shyńǵys Aitmatovtyń qaryndasy Roza Aitmatova 89 jasynda dúnieden ótti, dep habarlaidy ult.kz.
Roza (Rozetta) Aitmatova – memleket jáne qoǵam qairatkeri Tórequl Aitmatovtyń qyzy. Ol sanaly ǵumyryn bilim men ǵylymdy damytýǵa, qoǵamdyq jumystarǵa jáne áielderdiń quqyqtaryn qorǵaýǵa arnaǵan.
Marqum fizika-matematika ǵylymdarynyń kandidaty, Qyrǵyzstannyń bilim berý salasyna eńbegi sińgen qyzmetker bolǵan. Uzaq jyldar boiy aǵartýshylyq qyzmetpen ainalysyp, jas urpaqtyń bilim alýyna úles qosqan.
Sonymen qatar Roza Aitmatova «Áielderge kómek kórsetý ortalyǵyn» basqaryp, áielderdiń qoǵamdaǵy rólin arttyrýǵa, olardyń quqyqtary men múmkindikterin keńeitýge atsalysqan.
Bilim, mádeniet jáne aǵartý salasyndaǵy eńbegi úshin Shyńǵys Aitmatov atyndaǵy syilyqtyń laýreaty atanǵan.
Roza Aitmatova Qyrǵyzstannyń qoǵamdyq ómirinde ózindik orny bar tulǵalardyń biri retinde tanyldy.
