"QosLike" baǵdarlamasynyń burynǵy júrgizýshisi Balaýsa Amantai alǵash ret ana atandy. Telejúrgizýshi áleýmettik jelidegi paraqshasynda qyzymen túsken sýretterin bólisip, kópshilikke qýanyshty jańalyǵyn jetkizdi,dep habarlaidy ult.kz.
Balaýsa Amantai Instagram paraqshasynda sábiiniń dúniege kelgenin súiinshilep, áserli jazba qaldyrǵan.
"Qosh keldiń, qyzym", – dep jazdy telejúrgizýshi.
Jariialanǵan sýretterdiń birinde jas ana nárestesin baýyryna basyp turǵanyn kórýge bolady. Al kelesi fotoda sábidiń kishkentai qolyn ata-anasy alaqandaryna salyp ustap turǵan sát beinelengen.
Ázirge Balaýsa Amantai qyzyna qandai esim bergenin kópshilikke aitqan joq. Sondai-aq nárestege qatysty ózge de málimetterdi jariialamaǵan.
Telejúrgizýshiniń qýanyshyna áleýmettik jelidegi oqyrmandary men ónerdegi áriptesteri ortaqtasyp, jyly lebizderin bildirdi. Quttyqtaýshylar qatarynda tanymal aktrisa Dariǵa Badyqova da bar. Ol jazba astyna "Baýy berik bolsyn" dep pikir qaldyrǵan.
Aita keteiik, Balaýsa Amantai kórermenge "QosLike" televiziialyq jobasyndaǵy júrgizýshilik qyzmeti arqyly keńinen tanylǵan.
Balaýsa Amantai kim?
Balaýsa Amantai – qazaqstandyq jýrnalist, telejúrgizýshi, "QosLike" baǵdarlamasy arqyly kópshilikke tanylǵan media ókili. Ol 1997 jyly 5 mamyrda Atyraý oblysy Inder aýdanyna qarasty Órlik aýylynda dúniege kelgen. 2018 jyly L.N. Gýmilev atyndaǵy Eýraziia ulttyq ýniversitetiniń jýrnalistika jáne saiasattaný fakýltetin támamdaǵan. Sol jyly eńbek jolyn "Eýraziia" Birinshi arnasynan bastaǵan.
Alǵashynda "Qaiyrly tań, Qazaqstan!" tańǵy aqparattyq-oiyn-saýyq baǵdarlamasynda tilshi bolyp jumys istegen. 2020 jyly atalǵan baǵdarlamanyń júrgizýshisi atandy.
Al 2024 jyldan bastap "QosLike" áleýmettik-oiyn-saýyq jobasyn júrgizýge kirisken. Bul baǵdarlamada otbasyn qurýdy maqsat etken qyz-jigitterdiń tanysýy, qarym-qatynasy men ómirlik serik tańdaýy kórsetiledi.
2026 jyldyń qyrkúieginde Balaýsa Amantai ana atanýǵa daiyndalyp jatqanyn aityp, telejobadan ýaqytsha demalysqa shyǵatynyn málimdedi. Osyǵan bailanysty baǵdarlamaǵa jańa júrgizýshi izdeý jumystary bastaldy.
2026 jyldyń qazanynda telejúrgizýshi qyz balany dúniege ákelgenin áleýmettik jelide súiinshiledi. Ol nárestesimen túsken alǵashqy sýretterin jariialaǵanymen, qyzynyń esimin ázirge kópshilikke aitqan joq.
