الماتىدا تۇتىنۋ كووپەراتيۆٸ رەتٸندە جۇمىس ٸستەگەن «R.O.I.» ۇيىمىنا قاتىستى قارجى پيراميداسىن ۇيىمداستىرۋ كٷدٸگٸمەن تەرگەۋ جٷرٸپ جاتىر. قازٸردٸڭ ٶزٸندە 275 ادام جەبٸرلەنۋشٸ دەپ تانىلىپ, كەلتٸرٸلگەن شىعىن كٶلەمٸ 217 ملن تەڭگەگە جەتكەن, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, ۇيىم ٶكٸلدەرٸ ازاماتتاردى جىلجىمالى جەنە جىلجىمايتىن مٷلٸك ساتىپ الۋ باعدارلامالارىنا قاتىسۋعا شاقىرعان. وسى ماقساتتا ٷلەستٸك جارنا جيناقتاۋ تۋرالى كەلٸسٸمشارتتار جاسالىپ, تۇرعىنداردىڭ اقشاسى جينالعان.
الايدا تەرگەۋ دەرەكتەرٸنە سەيكەس, جاڭا قاتىسۋشىلاردىڭ قاراجاتى ناقتى كەسٸپكەرلٸككە جۇمسالماي, كووپەراتيۆكە بۇرىن قوسىلعان مٷشەلەر الدىنداعى مٸندەتتەمەلەردٸ ٶتەۋگە باعىتتالعان.
اگەنتتٸك حابارلاعانداي, تەرگەۋ بارىسىندا ۇيىمداستىرۋشىلاردىڭ كەڭەس بەرۋ قىزمەتٸنٸڭ اقىسى دەگەن جەلەۋمەن كووپەراتيۆ قاراجاتىنان 94 ملن تەڭگەنٸ ٶزدەرٸمەن بايلانىسى بار تۇلعالاردىڭ, سونىڭ ٸشٸندە «كەۋسار» جەكە كەسٸپكەرلٸگٸنٸڭ ەسەپشوتتارىنا اۋدارعانى انىقتالعان.
بۇعان قوسا, 2022 جىلى سوت داۋلارى باستالعاننان كەيٸن الماتىدا «ShynSaulet», «Berekeli Shanyrak», «Aya-Aru», «Jasmin», «USCoop» جەنە «Baiterek» اتتى التى جاڭا تۇتىنۋ كووپەراتيۆٸ قۇرىلعان.
تەرگەۋ نۇسقاسى بويىنشا, بۇل ۇيىمدار «R.O.I.» كووپەراتيۆٸ باسشىسىنىڭ باقىلاۋىندا بولعان. ولار نەگٸزگٸ كووپەراتيۆتٸڭ جەكە سوت ورىنداۋشىلارى بۇعاتتاعان بانك شوتتارىن اينالىپ ٶتٸپ, تٷسكەن قاراجاتتى باسقا ەسەپشوتتارعا اۋدارۋ ٷشٸن پايدالانىلعان.
قارجى پيراميداسىن ۇيىمداستىردى دەگەن كٷدٸككە ٸلٸنگەن ادام ەكٸ ايعا قاماۋعا الىندى. سوت سانكتسيياسىمەن ٷش اۆتوكٶلٸككە, 25 پەتەرگە جەنە بانك شوتتارىنا تىيىم سالىندى.
قازٸرگٸ ۋاقىتتا تەرگەۋ جالعاسىپ جاتىر. قىلمىستىق-پروتسەستٸك كودەكستٸڭ 201-بابىنا سەيكەس, ٶزگە مەلٸمەتتەر جارييا ەتٸلمەيدٸ.
