Almatyda quny 1,824 mlrd teńge bolatyn investitsiialyq jobany júzege asyrýǵa nietti kásipker jer ýchaskesin uzaq ýaqyt boiy óz atyna rásimdei almai kelgen. Másele qalalyq prokýratýra aralasqannan keiin ǵana sheshimin tapty, dep habarlaidy ult.kz.
Prokýratýranyń málimetinshe, «HC» JShS investory investitsiialyq joba aiasynda berilgen jer ýchaskesine jeke menshik quqyǵyn rásimdeýde qiyndyqtarǵa tap bolǵan.
Jobany júzege asyrý nátijesinde 150 jańa jumys ornyn ashý josparlanǵan. Alaida jerge menshik quqyǵyn rásimdeý máselesiniń uzaqqa sozylýy kásipkerdiń josparyn iske asyrýyna kedergi keltirgen.
Qadaǵalaý organynyń aralasýynan keiin investor jer ýchaskesine menshik quqyǵyn rásimdep, ákimshilik kedergiler joiyldy.
Almaty qalasynyń prokýratýrasy qabyldanǵan sharalar investordyń zańdy múddelerin qorǵaýǵa múmkindik bergenin habarlady.
Qazirgi ýaqytta prokýratýra investitsiialyq jobalardy súiemeldeý jáne kásipkerlerdiń quqyqtaryn qorǵaý baǵytyndaǵy jumystardy jalǵastyryp jatyr.
