Respýblika kúni qarsańynda metallýrgiia jáne avtomobil jasaý salasyndaǵy jetekshi qazaqstandyq kompaniialar – Qarmet pen Allur talantty jastardy qoldaýǵa baǵyttalǵan «Bolashaqqa jol» atty aýqymdy áleýmettik baǵdarlamany iske qosý bastamasyn kóterdi. Jobanyń alǵashqy kezeńinde elimizdiń ár óńirinen 500 jas qazaqstandyqqa jumysqa ornalasýǵa jáne kásibi turǵyda damýǵa múmkindik berý kózdelgen, dep habarlaidy ult.kz.
Baǵdarlama aiasynda Qarmet pen Allur kásiporyndarynda jas mamandarǵa arnalǵan arnaiy korporativtik kvotalar qarastyrylady. Bastama, ásirese, joǵary oqý oryndary men kolledj túlekterine, aýyldyq jerlerdegi daryndy jastarǵa jáne áleýmettik osal otbasylardan shyqqan jas mamandarǵa qoldaý kórsetýge baǵyttalǵan.
«Bolashaqqa jol» baǵdarlamasy tek jumysqa ornalastyrýmen shektelmeidi. Ol jastardy irikteý men oqytýdan bastap, tálimgerlik qoldaý kórsetýge, jańa ortaǵa beiimdeýge jáne mansaptyq ósýine jaǵdai jasaýǵa deiingi kezeńderdi qamtityn kásibi qalyptasý júiesin qurýdy kózdeidi.
Bul bastama Qazaqstan Prezidenti Qasym-Jomart Toqaevtyń halyqty jumyspen qamtý, bilikti kadrlar daiarlaý jáne jastarǵa jańa múmkindikter ashý jónindegi mindetterimen úndesedi.
Memleket basshysy 24 qyrkúiekte Qazaqstan Halyq Keńesiniń alǵashqy sessiiasynda sóilegen sózinde ekonomikada bilikti mamandarǵa degen suranystyń artyp kele jatqanyna nazar aýdarǵan bolatyn.
Prezident keltirgen boljamǵa sáikes, 2035 jylǵa deiin Qazaqstanǵa 2,9 million maman qajet bolady. Onyń 1,8 milliony jumysshy kásipteriniń ókilderi. Kadr tapshylyǵy ásirese ónerkásip, qurylys, aýyl sharýashylyǵy jáne IT salalarynda sezilýi múmkin.
«Bizdiń ortaq mindetimiz – árbir azamattyń ómirden óz ornyn taýyp, adal eńbegimen otbasyn asyrap, Otanyna paidasyn tigizýine jaǵdai jasaý», – dep atap ótti Qasym-Jomart Toqaev.
Qarmet pen Allur bastamasy jastardyń kásibi jolyn bastaýyna jaǵdai jasap qana qoimai, otandyq ónerkásiptiń suranysyna sai bilikti mamandar daiarlaýǵa da baǵyttalǵan.
Baǵdarlama qatysýshylary metallýrgiia, avtomobil jasaý, mashina jasaý, injeneriia, avtomattandyrý jáne tsifrlyq tehnologiialar siiaqty suranysqa ie baǵyttar boiynsha jumysqa ornalasý múmkindigine ie bolady dep josparlanyp otyr.
Sonymen qatar basqa óńirlerden keletin jas mamandarǵa erekshe kóńil bólinedi. Olarǵa jańa jumys ornyna kóshý, baspana máselesin sheshý jáne eńbek ujymyna beiimdelý barysynda qoldaý kórsetý qarastyrylýy múmkin.
Memleket basshysy buǵan deiin de bilikti kadrlar daiarlaýda biznestiń belsendi qatysýy qajettigin atap ótken. Óndiristik mamandyqtardy tańdaǵan jastardy qoldaý da memlekettik saiasattyń basym baǵyttarynyń biri bolyp qala beredi.
Bastamashylardyń josparyna sáikes, «Bolashaqqa jol» baǵdarlamasy biznes, bilim berý uiymdary men jastar arasyndaǵy uzaq merzimdi yntymaqtastyq tetigine ainalýy tiis. Aldaǵy ýaqytta jobaǵa Qazaqstandaǵy basqa da iri jumys berýshiler qosylýy múmkin.
Respýblika kúnine orai qolǵa alynǵan bul bastama Qarmet pen Allur kompaniialarynyń eldegi adami kapitaldy damytýǵa, jastardyń týǵan jerinde kásibi turǵydan júzege asýyna jáne otandyq ónerkásiptiń kadrlyq áleýetin nyǵaitýǵa qosqan úlesi bolmaq.
