Qazaqstan Ulttyq banki aqyq tasy qondyrylǵan, alqa retinde moiynǵa taǵyp júrýge bolatyn «AQYQ» kollektsiialyq monetasyn ainalymǵa shyǵarady, dep habarlaidy ult.kz.
«Siqyrly nyshandar» seriiasyna kiretin monetanyń ereksheligi – onyń joǵarǵy bóliginde alqa baýyn ótkizýge arnalǵan arnaiy baýlyq qarastyrylǵan. Osylaisha, ony kollektsiiaǵa jinap qana qoimai, áshekei buiym retinde de taǵýǵa bolady.
Moneta 925 synamaly kúmisten jasalǵan. Onyń betine haltsedon tobyna jatatyn jartylai asyl aqyq tasy qondyrylǵan. Kórkemdik bezendirýinde qazaq zergerlik óneriniń dástúrleri kórinis tapqan. Atap aitqanda, zerdeli sirkeleý ádisi qoldanylyp, órnek pen aqyq tasy úilesimdi úilestirilgen.
Monetanyń negizgi sipattamalary:
- Nominaly: 1 000 teńge;
- Salmaǵy: 20 gramm;
- Diametri: 33 mm;
- Metaly: 925 synamaly kúmis;
- Daiyndaý sapasy: «antique silver»;
- Taralymy: 5 000 dana.
Kollektsiialyq moneta 2026 jylǵy 27 qazannan bastap Qazaqstan Ulttyq bankiniń internet-dúkeninde satylady.
Aita keteiik, kollektsiialyq monetalar Qazaqstannyń búkil aýmaǵynda belgilengen quny boiynsha tólem quraly retinde qabyldanady. Sondai-aq olardy bankterde aiyrbastaýǵa jáne bank shottaryna esepke alýǵa bolady.
