Tanymal aitysker aqyn, kásipker Ainur Tursynbaevanyń qyzy Aidana áleýmettik jelide erekshe jazba jariialap, kópshilikke ózin tanystyrdy, dep habarlaidy ult.kz.

Aidana Instagram paraqshasynda jańa formattaǵy kontent túsirýge bel býǵanyn aityp, oqyrmandarynan pikir surady.

Ol kópshilik ózin áli kúnge deiin tanymaitynyn jetkizip, tanymal aqynnyń qyzy ekenin erekshe atap ótti.

"Kóbisi meni áli tanymaidy eken, biraq men Ainur Tursynbaevanyń qyzymyn! Instagramǵa osyndai kontentpen atyp kireiin dep sheshtim. Negizi qalai sizderge?" – dep jazdy Aidana.

Osylaisha, tanymal aityskerdiń qyzy áleýmettik jelidegi belsendiligin arttyryp, ózin kópshilikke jańa qyrynan tanytýdy kózdeitinin ańǵartty.

Aita keteiik, Ainur Tursynbaeva ótken oqiǵany eske aldy.

Ainur Tursynbaeva kim?

Ainur Tursynbaeva – qazaqstandyq tanymal aitysker aqyn, kásipker jáne qoǵam qairatkeri. Ol 1977 jyly 6 qańtarda burynǵy Semei oblysy, Abai aýdanynda dúniege kelgen.

Ainur Tursynbaeva jastaiynan óleń jazýǵa qyzyǵyp, aitys ónerine erte aralasqan. Respýblikalyq jáne halyqaralyq aqyndar aitysyna qatysyp, sýyrypsalmalyq sheberligimen kópshilikke tanyldy. Ol aitys sahnasynda áleýmettik máselelerdi, ulttyq qundylyqtardy jáne qoǵamdaǵy ózekti taqyryptardy kóterdi.

Aqyn shyǵarmashylyq jolynda túrli marapattarǵa ie bolyp, qazaq aitysynyń tanymal ókilderiniń birine ainaldy. Keiin kásipkerlikpen ainalysyp, áleýmettik jelidegi qyzmetin belsendi damyta bastady.

Sońǵy jyldary Ainur Tursynbaeva áielderge arnalǵan jobalar, jeke damý jáne kásipkerlik baǵytyndaǵy bastamalarymen de tanylyp júr. Ol áleýmettik jelide otbasy, bala tárbiesi, ulttyq tárbie jáne áielderdiń qoǵamdaǵy róli týraly pikirlerin bólisedi.