Tanymal prodiýser Móldir Muqan áleýmettik jelidegi paraqshasynda jańa úige qonystanǵaly jatqanyn aityp, oqyrmandaryna aqshalai syilyq beretinin málimdedi, dep habarlaidy ult.kz.
Óner iesi Instagram paraqshasynda baspanaly bolǵan qýanyshymen bólisip, úiindegi jóndeý jumystary aiaqtalyp, jaqyn arada qonys toiyn toilaýǵa daiyndalyp jatqanyn jetkizdi.
Móldir Muqan bul qýanyshynyń ózgelerge de juǵysty bolýyn tilep, qazaqtyń «Juǵysty bolsyn!» degen sóziniń mánine toqtalǵan.
"Qazaqta “Juǵysty bolsyn!” degen qandai ádemi tilek, qandai keremet yrym bar! Bireýdiń qýanyshyna shyn júrekten qýanyp, “bizge de juǵysty bolsyn” dep tilek tileitin halyqpyz ǵoi. Meniń de úi alyp, jóndeý jumystaryn jasap, jańa úiime qonystanǵaly jatqan qýanyshym sizderge de juǵysty bolsyn!", – dep jazdy prodiýser.
Aita keteiik, Móldir Muqan bir otbasynyń EKO shyǵynyn tolyq óteýge nietti.
Móldir Muqan kim?
Móldir Muqan (Muqanova) – qazaqstandyq prodiýser, ánshi, aktrisa jáne kásipker. Kópshilikke tanymal ázilkesh Tursynbek Qabatovtyń burynǵy jubaiy retinde de belgili. Ekeýiniń nekesinen bes bala dúniege kelgen.
Móldir Muqannyń negizgi mamandyǵy – ekonomist. Ol joǵary oqý ornyn úzdik diplommen támamdap, 21 jasynan bastap memlekettik qyzmette eńbek etken. Ónerge bala kezinen jaqyn bolǵan. Anasy óner adamy bolǵandyqtan, baýyrlarymen birge «Muqanovtar» otbasylyq ansamblinde óner kórsetken. Baian, dombyra jáne fortepianoda oinaidy.
Tórtinshi balasy dúniege kelgennen keiin memlekettik qyzmetten ketip, balalarǵa arnalǵan «MM» óner mektebin ashqan. Keiin prodiýserlikke bet buryp, ánshi ári dombyrashy Aqtoty Bolyshevamen jumys istedi. Ózi de ánshilik qyryn tanytyp, «Ótirik» ánin jaryqqa shyǵardy.
2025 jyly Móldir Muqan «Shái v bolshom gorode» atty tolyqmetrajdy filmniń prodiýseri retinde tanyldy. Sondai-aq ol áleýmettik jelide shyǵarmashylyǵy, bala tárbiesi jáne jeke ómirindegi ózgerister týraly jii bólisedi.
2025 jyly Tursynbek Qabatovpen zańdy túrde ajyrasqanyn kópshilikke málimdedi. Qazir shyǵarmashylyq jobalaryn damytyp, prodiýserlik jáne ánshilik qyzmetin jalǵastyryp keledi.
