Aktrisa Dariǵa Badyqova áleýmettik jelidegi paraqshasynda oqyrmandaryna aq tilegin jetkizip, qandai qiyndyq kezdesse de, eńseni túsirmeýge shaqyrdy, dep habarlaidy ult.kz.
Óner iesi 2026 jylǵy 23 qazandaǵy jazbasynda ár adamnyń armany oryndalyp, bolashaǵy jarqyn bolýyn tiledi.
“Ómir joldaryńyzda qandai kedergi kezdesse de, eńselerińiz túspesin. Armandaryńyz asqaq, nietterińiz aq, taǵdyrlaryńyz jarqyn bolsyn”, — dep jazdy aktrisa.
Sondai-aq Dariǵa Badyqova ár jannyń ózine laiyq qurmet pen shynaiy mahabbatqa bólenip, jan tynyshtyǵyn tabýyn qalaitynyn aitty.
“Eshkimniń baqyty eshkimge táýeldi bolmasyn. Ár adam ózine laiyqty syi-qurmetin, shynaiy mahabbatyn, jan tynyshtyǵyn tapsyn. Shynaiy tilegim sizderge”, — dep túiindedi ol.
Aita keteiik, Dariǵa Badyqovanyń burynǵy kúieýi súiiktisin kórsetti.
Dariǵa Badyqova kim?
Dariǵa Bolatqyzy Badyqova - qazaqstandyq teatr jáne kino aktrisasy, prodiýser. Ol 1985 jylǵy 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda “Mýzykalyq drama jáne rejissýra” mamandyǵy boiynsha bilim alǵan. Óner jolynda rejisser Bolat Atabaevtyń “Aqsarai” mýzykalyq teatrynda eńbek etken.
Kópshilik ony “Kelinjan” telehikaiasyndaǵy Aisara róli arqyly jaqsy tanidy. Otbasylyq ómir men aýyl tirshiligin ázilmen jetkizetin jobada aktrisa minezi ótkir kelinniń beinesin somdady. Keiin telehikaianyń negizinde túsirilgen tolyqmetrajdy filmderge de qatysty. Sondai-aq “Qazaqsha biznes” filmder seriiasyndaǵy Maqpal rólin oinady.
Dariǵa akterlikpen qatar kino óndirisinde prodiýser retinde de jumys isteidi. 2023 jyly jaryq kórgen “Taptym-aý seni” romantikalyq komediiasynda basty rólderdiń birin somdap, prodiýseri boldy. Bul filmdegi ekrandyq seriktesi — akter Oljas Abai. Óner iesi atalǵan týyndyny kórermenge Aisaradan basqa beinede kóriný úshin túsirgenin aitqan.
Aktrisa “Taptym-aý seni” filmin marqum ákesi men ustazy Bolat Atabaevtyń rýhyna arnaǵanyn jetkizgen. Keiin filmniń jalǵasyn túsirip, prodiýserlik jumysyn jalǵastyrdy. Kinoǵa túsýmen qatar án oryndap, óz jobalarynyń saýndtrekterin de kórermenge usynǵan.
