Móldir Muqan perzent kútip júrgen bir otbasynyń EKO rásiminen ótýine kómektespek, dep habarlaidy ult.kz.

Onyń bastamasy kópten beri bala súiýdi armandaǵan erli-zaiyptyǵa qoldaý kórsetýge baǵyttalǵan. Móldir osylaisha bir shańyraqtyń sábi qýanyshyna kenelýine úles qosýdy kózdep otyr.

Onyń ózi áleýmettik jelidegi paraqshasynda "6-bala. Jasyra almadym" dep jazdy. 

Kómek alatyn otbasynyń qalai tańdalatyny men rásimniń qai klinikada ótetini ázirge naqtylanǵan joq.

Aita keteiik, Móldir Muqan mańyzdy málimdeme jasady.

Móldir Muqan kim?

Móldir Muqan – qazaqstandyq ánshi, prodiýser ári bloger. Kópshilik ony Móldir Muqanova esimimen de tanidy. Ol ázilkesh Tursynbek Qabatovtyń burynǵy jubaiy retinde jurtshylyqqa belgili. Bes balanyń anasy. Áleýmettik jelidegi paraqshasynda kúndelikti ómiri, bala tárbiesi men shyǵarmashylyq jumystary týraly bólisip otyrady. 

Móldirdiń aitýynsha, án aitý — onyń bala kúngi armany. Keiingi jyldary ol osy armanyna qaita oralyp, jeke shyǵarmashylyǵyna kóńil bóle bastady. Tyńdarmandaryna usynǵan týyndylarynyń arasynda «Ótirik» atty áni bar. Ónerdegi jumysyn ánshilikpen ǵana shektemei, kino salasyna da aralasyp júr. Onyń esimi «Shái v bolshom gorode» filminiń shyǵarmashylyq quramynda kórsetilgen. 

Ol suhbattarynda otbasylyq ómiri, ana bolýdyń jaýapkershiligi jáne basynan ótken qiyndyqtar týraly ashyq áńgimeleidi. Jýrnalist Janar Baisemizge bergen suhbatynda nekesiniń buzylýy men odan keiingi ómirindegi ózgeristerge toqtalǵan.