مٶلدٸر مۇقان پەرزەنت كٷتٸپ جٷرگەن بٸر وتباسىنىڭ ەكو رەسٸمٸنەن ٶتۋٸنە كٶمەكتەسپەك, دەپ حابارلايدى ult.kz.
ونىڭ باستاماسى كٶپتەن بەرٸ بالا سٷيۋدٸ ارمانداعان ەرلٸ-زايىپتىعا قولداۋ كٶرسەتۋگە باعىتتالعان. مٶلدٸر وسىلايشا بٸر شاڭىراقتىڭ سەبي قۋانىشىنا كەنەلۋٸنە ٷلەس قوسۋدى كٶزدەپ وتىر.
ونىڭ ٶزٸ ەلەۋمەتتٸك جەلٸدەگٸ پاراقشاسىندا "6-بالا. جاسىرا المادىم" دەپ جازدى.
كٶمەك الاتىن وتباسىنىڭ قالاي تاڭدالاتىنى مەن رەسٸمنٸڭ قاي كلينيكادا ٶتەتٸنٸ ەزٸرگە ناقتىلانعان جوق.
ايتا كەتەيٸك, مٶلدٸر مۇقان ماڭىزدى مەلٸمدەمە جاسادى.
مٶلدٸر مۇقان كٸم?
مٶلدٸر مۇقان – قازاقستاندىق ەنشٸ, پروديۋسەر ەرٸ بلوگەر. كٶپشٸلٸك ونى مٶلدٸر مۇقانوۆا ەسٸمٸمەن دە تانيدى. ول ەزٸلكەش تۇرسىنبەك قاباتوۆتىڭ بۇرىنعى جۇبايى رەتٸندە جۇرتشىلىققا بەلگٸلٸ. بەس بالانىڭ اناسى. ەلەۋمەتتٸك جەلٸدەگٸ پاراقشاسىندا كٷندەلٸكتٸ ٶمٸرٸ, بالا تەربيەسٸ مەن شىعارماشىلىق جۇمىستارى تۋرالى بٶلٸسٸپ وتىرادى.
مٶلدٸردٸڭ ايتۋىنشا, ەن ايتۋ — ونىڭ بالا كٷنگٸ ارمانى. كەيٸنگٸ جىلدارى ول وسى ارمانىنا قايتا ورالىپ, جەكە شىعارماشىلىعىنا كٶڭٸل بٶلە باستادى. تىڭدارماندارىنا ۇسىنعان تۋىندىلارىنىڭ اراسىندا «ٶتٸرٸك» اتتى ەنٸ بار. ٶنەردەگٸ جۇمىسىن ەنشٸلٸكپەن عانا شەكتەمەي, كينو سالاسىنا دا ارالاسىپ جٷر. ونىڭ ەسٸمٸ «شەي ۆ بولشوم گورودە» فيلمٸنٸڭ شىعارماشىلىق قۇرامىندا كٶرسەتٸلگەن.
ول سۇحباتتارىندا وتباسىلىق ٶمٸرٸ, انا بولۋدىڭ جاۋاپكەرشٸلٸگٸ جەنە باسىنان ٶتكەن قيىندىقتار تۋرالى اشىق ەڭگٸمەلەيدٸ. جۋرناليست جانار بايسەمٸزگە بەرگەن سۇحباتىندا نەكەسٸنٸڭ بۇزىلۋى مەن ودان كەيٸنگٸ ٶمٸرٸندەگٸ ٶزگەرٸستەرگە توقتالعان.
