Мөлдір Мұқан көптен бері сәби сүйгісі келіп жүрген бір отбасына қолдау көрсететінін мәлімдеді. Ол ЭКО бағдарламасына қажетті барлық шығынды өз мойнына алуға ниетті екенін жеткізді, деп хабарлайды ult.kz.

Оның айтуынша, ата-ана болуды армандаған кейбір жұптар үшін бұл жол ұзақ әрі қиын болуы мүмкін. Осыны ескерген Мөлдір Мұқан бір отбасының ем алуына толықтай демеушілік жасауды жоспарлап отыр.

Әзірге отбасының қалай таңдалатыны, бағдарламаға қатысу шарттары мен емнің қай клиникада жүргізілетіні туралы мәлімет берілмеген.

Айта кетейік, Мөлдір Мұқан экс-күйеуінің әзілдеріне қатысты ренішін айтты.

Мөлдір Мұқан кім? 
 

Мөлдір Мұқан - қазақстандық әнші, продюсер әрі блогер. Көпшілікке Мөлдір Мұқанова есімімен де таныс. Ол әзілкеш Тұрсынбек Қабатовтың бұрынғы жұбайы, бес баланың анасы. Әлеуметтік желіде шығармашылығы, отбасы және бала тәрбиесі туралы жазбалар жариялап тұрады.

Мөлдір ән айтуды бала күнгі арманы деп түсіндірген. Кейінгі жылдары жеке шығармашылығына көңіл бөліп, өз орындауындағы әндерді тыңдарманға ұсына бастады. Репертуарында “Өтірік” атты әні бар. Сонымен қатар 2026 жылғы тамызда телехикаяға түсу туралы ұсынысты қабылдағанын хабарлаған.

Ол сұхбаттарында ана болу, отбасылық өмірі мен басынан өткен қиындықтар туралы ашық әңгімелейді. Журналист Жанар Байсемізге берген сұхбатында некесінің бұзылуы мен өміріндегі өзгерістерге де тоқталған.