Мөлдір Мұқан әлеуметтік желіде оқырман пікіріне жауап беріп, бұрынғы күйеуі Тұрсынбек Қабатовтың сахнада айтқан әзілдеріне қатысты ренішін білдірді, деп хабарлайды ult.kz Tiek.kz-ке сілтеме жасап. 

Желі қолданушысы әзілкештің 15 жыл бойы Мөлдірдің өмірі мен отбасылық тұрмысын әңгімелеріне арқау етіп, сол арқылы табыс тапқанын жазған. Мөлдір бұл пікірге жауап беріп, өз ойын ашық жеткізді.

"15 жыл материал қылған ғой. Мені ғана емес, елді алдап. Өкінішті. Өтірік әзілдері үшін билет сатып, ақша істегені үшін Қазақ елінен кешірім сұрау керек-ау", – деп жазды ол.

Сондай-ақ Мөлдір оқырманға YouTube желісінен «ӨТІРІК» әнін тыңдауға кеңес берді.

Айта кетейік, Мөлдір Мұқан маңызды мәлімдеме жасады.

Мөлдір Мұқан кім? 
 

Мөлдір Мұқан - қазақстандық әнші, продюсер және бес баланың анасы. Көпшілікке әзілкеш Тұрсынбек Қабатовтың бұрынғы жұбайы ретінде де таныс. Әлеуметтік желіде шығармашылығы, отбасы және бала тәрбиесі туралы жазбалар жариялайды. Балаларының қызығушылықтарын қолдап, олардың пікірімен санасатынын айтып жүр.

Мөлдірдің айтуынша, ән айту — бала кезінен бергі арманы әрі жан қалауы. Ол 2024 жылы тыңдармандарына өнерге деген ықыласы туралы айтып, әншілік бағытта өзін дамытқысы келетінін жеткізген. Репертуарындағы шығармалардың бірі — «Өтірік» әні. 2025 жылғы қарашада жариялаған жазбасында бұл туындының дүниеге келуіне ақын, композитор Ерболат Қарақойшының атсалысқанын атап өткен. Кейін әлеуметтік желідегі оқырманына да осы әнді тыңдауға кеңес берген.

Мөлдір әншілікпен қатар актерлік бағытта да бағын сынауға ниет білдірген. 2026 жылғы тамызда ол телехикаяға түсу туралы ұсынысты қабылдағанын хабарлаған. Оның әлеуметтік желідегі жазбаларында шығармашылық жаңалықтарымен бірге жеке өміріне қатысты ойлары да көрініс табады. Соның ішінде бұрынғы жұбайымен арақатынасы және өміріндегі өзгерістер туралы ашық пікір білдірген кездері бар.