Qazaqstan Network Readiness Index 2025 halyqaralyq reitinginde 127 el men ekonomikanyń ishinde 65-orynǵa ie boldy. Osylaisha, elimiz Ortalyq Aziia memleketteri arasynda eń joǵary kórsetkish kórsetti, dep habarlaidy ult.kz.
Qazaqstannyń jalpy kórsetkishi 49,06 ball boldy. Aqparattyq-kommýnikatsiialyq tehnologiialardy qoldanýǵa daiyndyqty jáne tsifrlandyrýdyń ekonomika men qoǵamǵa áserin baǵalaityn reitingti Portulans Institute jyl saiyn jariialaidy.
Ortalyq Aziia elderiniń arasynda Ózbekstan 72-orynǵa, Qyrǵyzstan 90-orynǵa jaiǵasqan.
Reiting tórt negizgi baǵyt boiynsha qalyptastyrylady. Olar – tehnologiia, adam kapitaly, memlekettik basqarý jáne tsifrlandyrýdyń yqpaly.
Qazaqstan tsifrlandyrýdyń ekonomikaǵa, ómir sapasyna jáne turaqty damý maqsattaryna áserin baǵalaityn Impact baǵyty boiynsha 56-orynǵa ie boldy. Memlekettik basqarý salasynda 61-orynǵa, adam kapitaly boiynsha 66-orynǵa jaiǵasty.
Al eń tómen kórsetkish tehnologiia baǵytynda tirkeldi. Bul sanatta Qazaqstan 81-oryn aldy. Reiting avtorlary elimizde ozyq tehnologiialardy engizý jáne baǵdarlamalyq qamtamasyz etýge jumsalatyn shyǵyndar kórsetkishteri salystyrmaly túrde tómen ekenin atap ótken.
Sonymen qatar Qazaqstan birqatar kórsetkish boiynsha joǵary nátije kórsetti. Máselen, mektepterdegi internetke qoljetimdilik boiynsha elimiz birinshi orynǵa ie boldy. Memlekettik onlain qyzmetter kórsetkishi boiynsha 10-orynǵa, al halyqtyń internet arqyly qarjylyq shottarǵa qol jetkizýi boiynsha 11-orynǵa jaiǵasty.
Reiting kóshin AQSh bastady. Ekinshi orynda Finliandiia, úshinshi orynda Singapýr tur.
Aita keteiik, Network Readiness Index 2025 reitingi 53 kórsetkishti qamtidy. Olar tehnologiia, adam kapitaly, memlekettik basqarý jáne tsifrlandyrýdyń yqpaly atty tórt negizgi baǵytqa toptastyrylǵan.
