رەسپۋبليكا كٷنٸ قارساڭىندا مەتاللۋرگييا جەنە اۆتوموبيل جاساۋ سالاسىنداعى جەتەكشٸ قازاقستاندىق كومپانييالار – Qarmet پەن Allur تالانتتى جاستاردى قولداۋعا باعىتتالعان «بولاشاققا جول» اتتى اۋقىمدى ەلەۋمەتتٸك باعدارلامانى ٸسكە قوسۋ باستاماسىن كٶتەردٸ. جوبانىڭ العاشقى كەزەڭٸندە ەلٸمٸزدٸڭ ەر ٶڭٸرٸنەن 500 جاس قازاقستاندىققا جۇمىسقا ورنالاسۋعا جەنە كەسٸبي تۇرعىدا دامۋعا مٷمكٸندٸك بەرۋ كٶزدەلگەن, دەپ حابارلايدى ult.kz.
باعدارلاما اياسىندا Qarmet پەن Allur كەسٸپورىندارىندا جاس ماماندارعا ارنالعان ارنايى كورپوراتيۆتٸك كۆوتالار قاراستىرىلادى. باستاما, ەسٸرەسە, جوعارى وقۋ ورىندارى مەن كوللەدج تٷلەكتەرٸنە, اۋىلدىق جەرلەردەگٸ دارىندى جاستارعا جەنە ەلەۋمەتتٸك وسال وتباسىلاردان شىققان جاس ماماندارعا قولداۋ كٶرسەتۋگە باعىتتالعان.
«بولاشاققا جول» باعدارلاماسى تەك جۇمىسقا ورنالاستىرۋمەن شەكتەلمەيدٸ. ول جاستاردى ٸرٸكتەۋ مەن وقىتۋدان باستاپ, تەلٸمگەرلٸك قولداۋ كٶرسەتۋگە, جاڭا ورتاعا بەيٸمدەۋگە جەنە مانساپتىق ٶسۋٸنە جاعداي جاساۋعا دەيٸنگٸ كەزەڭدەردٸ قامتيتىن كەسٸبي قالىپتاسۋ جٷيەسٸن قۇرۋدى كٶزدەيدٸ.
بۇل باستاما قازاقستان پرەزيدەنتٸ قاسىم-جومارت توقاەۆتىڭ حالىقتى جۇمىسپەن قامتۋ, بٸلٸكتٸ كادرلار دايارلاۋ جەنە جاستارعا جاڭا مٷمكٸندٸكتەر اشۋ جٶنٸندەگٸ مٸندەتتەرٸمەن ٷندەسەدٸ.
مەملەكەت باسشىسى 24 قىركٷيەكتە قازاقستان حالىق كەڭەسٸنٸڭ العاشقى سەسسيياسىندا سٶيلەگەن سٶزٸندە ەكونوميكادا بٸلٸكتٸ ماماندارعا دەگەن سۇرانىستىڭ ارتىپ كەلە جاتقانىنا نازار اۋدارعان بولاتىن.
پرەزيدەنت كەلتٸرگەن بولجامعا سەيكەس, 2035 جىلعا دەيٸن قازاقستانعا 2,9 ميلليون مامان قاجەت بولادى. ونىڭ 1,8 ميلليونى جۇمىسشى كەسٸپتەرٸنٸڭ ٶكٸلدەرٸ. كادر تاپشىلىعى ەسٸرەسە ٶنەركەسٸپ, قۇرىلىس, اۋىل شارۋاشىلىعى جەنە IT سالالارىندا سەزٸلۋٸ مٷمكٸن.
«بٸزدٸڭ ورتاق مٸندەتٸمٸز – ەربٸر ازاماتتىڭ ٶمٸردەن ٶز ورنىن تاۋىپ, ادال ەڭبەگٸمەن وتباسىن اسىراپ, وتانىنا پايداسىن تيگٸزۋٸنە جاعداي جاساۋ», – دەپ اتاپ ٶتتٸ قاسىم-جومارت توقاەۆ.
Qarmet پەن Allur باستاماسى جاستاردىڭ كەسٸبي جولىن باستاۋىنا جاعداي جاساپ قانا قويماي, وتاندىق ٶنەركەسٸپتٸڭ سۇرانىسىنا ساي بٸلٸكتٸ ماماندار دايارلاۋعا دا باعىتتالعان.
باعدارلاما قاتىسۋشىلارى مەتاللۋرگييا, اۆتوموبيل جاساۋ, ماشينا جاساۋ, ينجەنەرييا, اۆتوماتتاندىرۋ جەنە تسيفرلىق تەحنولوگييالار سيياقتى سۇرانىسقا يە باعىتتار بويىنشا جۇمىسقا ورنالاسۋ مٷمكٸندٸگٸنە يە بولادى دەپ جوسپارلانىپ وتىر.
سونىمەن قاتار باسقا ٶڭٸرلەردەن كەلەتٸن جاس ماماندارعا ەرەكشە كٶڭٸل بٶلٸنەدٸ. ولارعا جاڭا جۇمىس ورنىنا كٶشۋ, باسپانا مەسەلەسٸن شەشۋ جەنە ەڭبەك ۇجىمىنا بەيٸمدەلۋ بارىسىندا قولداۋ كٶرسەتۋ قاراستىرىلۋى مٷمكٸن.
مەملەكەت باسشىسى بۇعان دەيٸن دە بٸلٸكتٸ كادرلار دايارلاۋدا بيزنەستٸڭ بەلسەندٸ قاتىسۋى قاجەتتٸگٸن اتاپ ٶتكەن. ٶندٸرٸستٸك ماماندىقتاردى تاڭداعان جاستاردى قولداۋ دا مەملەكەتتٸك ساياساتتىڭ باسىم باعىتتارىنىڭ بٸرٸ بولىپ قالا بەرەدٸ.
باستاماشىلاردىڭ جوسپارىنا سەيكەس, «بولاشاققا جول» باعدارلاماسى بيزنەس, بٸلٸم بەرۋ ۇيىمدارى مەن جاستار اراسىنداعى ۇزاق مەرزٸمدٸ ىنتىماقتاستىق تەتٸگٸنە اينالۋى تيٸس. الداعى ۋاقىتتا جوباعا قازاقستانداعى باسقا دا ٸرٸ جۇمىس بەرۋشٸلەر قوسىلۋى مٷمكٸن.
رەسپۋبليكا كٷنٸنە وراي قولعا الىنعان بۇل باستاما Qarmet پەن Allur كومپانييالارىنىڭ ەلدەگٸ ادامي كاپيتالدى دامىتۋعا, جاستاردىڭ تۋعان جەرٸندە كەسٸبي تۇرعىدان جٷزەگە اسۋىنا جەنە وتاندىق ٶنەركەسٸپتٸڭ كادرلىق ەلەۋەتٸن نىعايتۋعا قوسقان ٷلەسٸ بولماق.
