Qarjy naryǵyn retteý jáne damytý agenttigi jeti MQU-ny mikroqarjylyq qyzmetti júzege asyrýǵa arnalǵan litsenziiadan aiyrý týraly sheshim qabyldady, dep habarlaidy ult.kz.
2026 jylǵy 23 qazandaǵy buiryqtar negizinde tómendegi MQU litsenziialardan aiyryldy:
«MaxMoney» MQU» JShS» (23.10.2026j. №67 buiryq);
«Microfinance Systems» MQU» JShS (23.10.2026j. №68 buiryq);
«SurfKaz Finance» MQU» JShS (23.10.2026j. №69 buiryq);
«MFO№1» MQU» JShS (23.10.2026j. №70 buiryq);
«Ýmit Finans» MQU» JShS (23.10.2026j. №71 buiryq);
«Vivýs» MQU» JShS (23.10.2026j. №15 buiryq);
«EL QAZYNA» MQU» JShS (23.10.2026j. №16 buiryq).
Agenttiktiń málimdeýinshe, mikroqarjy uiymdarynyń (MQU) qyzmetin baqylaýdy jalǵastyryp, azamattardyń quqyqtaryn júieli túrde buzatyn uiymdarǵa qatysty qadaǵalaý sharalary qoldanylady. Litsenziiasynan aiyrylǵan MQU mikroqarjylyq qyzmetti júzege asyrýǵa quqyly emes jáne 30 kún ishinde ataýyn ózgertýge, qaita uiymdastyrýǵa nemese taratýǵa qatysty sheshim qabyldaýǵa mindetti. Al mundai uiymdarmen jasalǵan mikrokredit sharttary boiynsha oryndalmaǵan mindettemeleri bar klientter shart talaptaryna sáikes jaýapty bolady.
