Petropavlda elektrvelosipedti mas kúiinde basqarǵan 37 jastaǵy er adam 20 táýlikke ákimshilik qamaqqa alyndy. Onyń kólik júrgizý quqyǵy da bolmaǵan, dep habarlaidy ult.kz.
Oblystyq politsiia departamentiniń málimetinshe, Aqmola oblysynyń turǵyny Vorovskoi kóshesinde ustalǵan. Meditsinalyq kýálandyrý onyń mas kúide bolǵanyn rastady.
Er adamnyń kólik basqarý quqyǵy bolmaǵandyqtan, oǵan qatysty Ákimshilik quqyq buzýshylyq týraly kodekstiń 608-baby 6-bóligi boiynsha ákimshilik hattama toltyryldy. Sot sheshimimen ol 20 táýlikke qamaldy.
Politsiia ókilderi elektrvelosipedti mas kúiinde basqarý jol-kólik oqiǵalaryna sebep bolýy múmkin ekenin eskertedi. Ásirese qarańǵy ýaqytta joǵary jyldamdyqpen júrý jáne qorǵanys quraldaryn paidalanbaý júrgizýshi men ainalasyndaǵylardyń ómirine qaýip tóndiredi.
Aita keteiik, jyldamdyǵy saǵatyna 25 shaqyrymnan asatyn elektrvelosipedterdi basqarý úshin zań talaptaryna sáikes «A1», «A» nemese «B» sanatyndaǵy júrgizýshi kýáligi qajet.
