2026 jyldyń toǵyz aiynda Qazaqstanda habar-osharsyz ketken 17 myńnan astam adamnyń júrgen jeri anyqtaldy. Sonymen qatar quqyq qorǵaý organdary izdeý jariialaǵan 1 031 kúdikti ustaldy, dep habarlaidy ult.kz.
Polisia.kz málimetinshe, 5 qazanda bastalǵan «Qaýipsiz úi» jedel-profilaktikalyq is-sharasy aiasynda politsiia qyzmetkerleri shamamen 249 myń turǵyn úi nysanyn tekserdi. Onyń ishinde 12,5 myń jaldamaly páter bar.
Tekserý barysynda tirkeýsiz turýdyń 9 myńǵa jýyq deregi anyqtalyp, joly kesildi. Sondai-aq 7 189 shetel azamaty ákimshilik jaýapkershilikke tartyldy. Turaqty turǵylyqty jeri joq 2 128 adam politsiia bólimshelerine jetkizildi.
Budan bólek, Qazaqstan aýmaǵynda TMD elderi men alys shetelderdiń quqyq qorǵaý organdary izdestirip júrgen 537 adam ustaldy.
Ustalǵandardyń qatarynda Astanada qolǵa túsken 67 jastaǵy er adam da bar. Ol alaiaqtyq jasady degen kúdikpen izdeýde bolǵan.
Is materialdaryna sáikes, 2018 jyly Qaraǵandy qalasynda kúdikti kommertsiialyq uiymnyń qoimasynan taýardy satý syltaýymen alyp shyǵyp, quny 401 million teńgeden asatyn múlikti iemdengen.
Politsiianyń málimetinshe, «Qaýipsiz úi» is-sharasy turǵyn úilerdegi quqyq buzýshylyqtardyń aldyn alýǵa, izdeýde júrgen adamdardy anyqtaýǵa jáne qoǵamdyq qaýipsizdikti qamtamasyz etýge baǵyttalǵan.
