Tanymal ánshi Tóreǵali Tóreáli jubaiymen birge qasietti Mekkege baryp, Qaǵbanyń aldynda jasaǵan duǵasyn kópshilikpen bólisti, dep habarlaidy ult.kz.

Óner iesi áleýmettik jelidegi paraqshasynda táýbe, keshirim jáne júrek tazalyǵy týraly áserli jazba jariialady. Ánshi qasietti mekende turyp, Alladan kúnálarynyń keshirilýin jáne júreginiń týra joldan taimaýyn tilegen.

"Táýbe – ótkenge ókinip qana qoiý emes, júrekti Allaǵa qaita burý. Qaǵbanyń aldynda turyp, bar júregimmen bir ǵana tilek tileimin: Alla júregimizdi tazartyp, kúnálarymyzdy keshirip, táýbemizdi qabyl etsin. Ia, Rabbym, meni ózińe jaqyndat, júregimdi týra joldan aiyrma", - dep jazdy Tóreǵali Tóreáli.

Ánshiniń bul jolǵy sapary jubaiymen birge ótýimen de erekshelendi. Óner iesi qasietti mekennen jariialaǵan jazbasynda rýhani tazarý men táýbeniń mańyzyna toqtalǵan.

Aita keteiik, Tóreǵali Tóreáliniń taǵy bir jazbasy el nazaryna ilikti. 

Tóreǵali Tóreáli kim?

Tóreǵali Tóreáli – qazaqstandyq tanymal estrada ánshisi, án avtory jáne «Uly dala balasy» degen atpen kópshilikke tanylǵan óner iesi. Ol 1992 jyly 14 qazanda dúniege kelgen. Ánshi qazaq estradasynda ózindik oryndaý mánerimen jáne lirikalyq ánderimen erekshelenedi.

Tóreǵali Tóreáli «Allo», «Bol janymda», «Bir túrli qyz» syndy ánderi arqyly tyńdarman yqylasyna bólengen. Óner iesi elimizdiń túrli óńirlerinde jeke kontsertterin ótkizip, shyǵarmashylyq jobalarǵa qatysyp keledi.

Ánshiniń jubaiy – Tolqyn Turarbekqyzy. Erli-zaiyptylar kópbalaly otbasy retinde de kópshilikke belgili. Tóreǵali Tóreáli shyǵarmashylyǵymen qatar, jeke ómiri men áleýmettik jelidegi jazbalary arqyly da jii jurt nazarynda júredi.