Jetisý oblysynda Úsharal qalasynyń mańynda zańsyz ańshylyq faktisi anyqtaldy. Quqyq buzýshylyqqa 31 jastaǵy er adam qatysy bar, dep habarlaidy ult.kz.
Politsiia málimetinshe, tabiǵatty qorǵaý politsiiasy men Alakól aýdandyq politsiia bóliminiń qyzmetkerleri birlesken is-shara barysynda aýyl sharýashylyǵy maqsatyndaǵy jerlerde ańshylyq qaǵidalaryn buzý deregin anyqtaǵan.
Er adam zańda belgilengen tártippen tirkelmegen bir oqpandy ańshy myltyǵyn paidalanǵan.
Oqiǵa boiynsha ákimshilik is materialdary jinalyp, sotqa joldanady. Quqyq buzýshylyqqa quqyqtyq baǵany sot beredi.
Politsiia ańshylyq erejelerin saqtamaý jáne qarýdy zańsyz paidalaný úshin jaýapkershilik qarastyrylǵanyn eskertti.
