Túrkiianyń Stambul qalasynda qaza tapqan 26 jastaǵy Aisulý Bekmahanovanyń ólimine qatysty jigiti men bólmelesinen jaýap alyndy, dep habarlaidy ult.kz.
Demirören Haber Ajansi agenttiginiń málimetinshe, marqum Shishli aýdanynda ózi turatyn ǵimarattyń altynshy qabatyndaǵy balkonnan kórshi úidiń shatyryna ótpek bolǵan. Alaida ishki aýlaǵa qulap, kóz jumǵan.
22 jastaǵy bólmelesi D. B. politsiiaǵa bergen jaýabynda oqiǵa aldynda Aisulýmen birge bolǵanyn, keiin onyń bólmede joq ekenin baiqap, ishki aýladan qozǵalyssyz jatqan jerinen kórgenin aitqan.
Sondai-aq tergeý aiasynda marqumnyń 35 jastaǵy jigiti M. T.-dan jaýap alynǵan. Onyń aitýynsha, Aisulý tańǵy saǵat 05:30 shamasynda úiine kelip, 07:40-ta qaityp ketken.
Túrkiialyq BAQ eki adamnyń prokýratýra ókimimen ustalǵanyn jazdy. Alaida olarǵa resmi aiyp taǵylǵany týraly aqparat joq. Oqiǵanyń mán-jaiy anyqtalyp jatyr.
