تٷركييانىڭ ستامبۇل قالاسىندا قازا تاپقان 26 جاستاعى ايسۇلۋ بەكماحانوۆانىڭ ٶلٸمٸنە قاتىستى جٸگٸتٸ مەن بٶلمەلەسٸنەن جاۋاپ الىندى, دەپ حابارلايدى ult.kz.
Demirören Haber Ajansı اگەنتتٸگٸنٸڭ مەلٸمەتٸنشە, مارقۇم شيشلي اۋدانىندا ٶزٸ تۇراتىن عيماراتتىڭ التىنشى قاباتىنداعى بالكوننان كٶرشٸ ٷيدٸڭ شاتىرىنا ٶتپەك بولعان. الايدا ٸشكٸ اۋلاعا قۇلاپ, كٶز جۇمعان.
22 جاستاعى بٶلمەلەسٸ د. ب. پوليتسيياعا بەرگەن جاۋابىندا وقيعا الدىندا ايسۇلۋمەن بٸرگە بولعانىن, كەيٸن ونىڭ بٶلمەدە جوق ەكەنٸن بايقاپ, ٸشكٸ اۋلادان قوزعالىسسىز جاتقان جەرٸنەن كٶرگەنٸن ايتقان.
سونداي-اق تەرگەۋ اياسىندا مارقۇمنىڭ 35 جاستاعى جٸگٸتٸ م. ت.-دان جاۋاپ الىنعان. ونىڭ ايتۋىنشا, ايسۇلۋ تاڭعى ساعات 05:30 شاماسىندا ٷيٸنە كەلٸپ, 07:40-تا قايتىپ كەتكەن.
تٷركييالىق باق ەكٸ ادامنىڭ پروكۋراتۋرا ٶكٸمٸمەن ۇستالعانىن جازدى. الايدا ولارعا رەسمي ايىپ تاعىلعانى تۋرالى اقپارات جوق. وقيعانىڭ مەن-جايى انىقتالىپ جاتىر.
