2026 جىلى قازاقمىس تاۋ-كەن جابدىعىن جٶندەۋ مەن قالپىنا كەلتٸرۋگە 6,7 ملرد تەڭگە قاراستىردى. ونىڭ 5,8 ملرد تەڭگەسٸ جٶندەۋ جۇمىسىنا باعىتتالدى. باعدارلاما جابدىقتاردىڭ تەحنيكالىق دايىندىعىن ارتتىرۋعا, جوسپاردان تىس توقتاپ قالۋدىڭ الدىن الۋعا جەنە تاۋ-كەن كەسٸپورىندارىنىڭ تۇراقتى جۇمىسىن قامتاماسىز ەتۋگە باعىتتالعان, دەپ حابارلايدى Ult.kz.
باعدارلاما اياسىندا 346 بٸرلٸك تاۋ-كەن تەحنيكاسىنا اعىمداعى جٶندەۋ جۇمىسى جٷرگٸزٸلدٸ. جٶندەۋ جۇمىسىنىڭ باسىم بٶلٸگٸ جەزقازعان ٶڭٸرٸندە ورىندالىپ, 277 جابدىق جٶندەلدٸ. قاراعاندى ٶڭٸرٸندە 31 بٸرلٸك, بالقاش ٶڭٸرٸندە 38 بٸرلٸك تەحنيكا جٶندەۋدەن ٶتتٸ.
اعىمداعى جٶندەۋ جۇمىسىمەن قاتار, نەگٸزگٸ توراپتار مەن اگرەگاتتاردى قالپىنا كەلتٸرۋ جەنە اۋىستىرۋ جۇمىسى دا جٷرگٸزٸلۋدە. بٷگٸنگٸ تاڭدا 193 توراپ بويىنشا جۇمىس ورىندالدى. جىل سوڭىنا دەيٸن تاعى 100-گە جۋىق توراپتى قالپىنا كەلتٸرۋ نەمەسە اۋىستىرۋ جوسپارلانۋدا. جٶندەۋ جۇمىسى بۇرعىلاۋ قوندىرعىلارىن, تيەۋ-جەتكٸزۋ ماشينالارىن, اۆتوساموسۆالداردى جەنە Caterpillar, Sandvik, Epiroc ماركالى باسقا دا تاۋ-كەن تەحنيكاسىن قامتيدى.
كەسٸپورىنداردى قاجەتتٸ قوسالقى بٶلشەكتەرمەن قامتاماسىز ەتۋگە دە ەرەكشە كٶڭٸل بٶلٸنۋدە. قازٸرگٸ ۋاقىتتا قويمالاردا 183 ٸرٸ گاباريتتٸ شينا قورى جاساقتالعان. بۇل قور ورتاشا تۇتىنۋ كٶلەمٸن ەسكەرگەندە شامامەن 26 كٷنگە جەتەدٸ. قوردى ودان ەرٸ تولىقتىرۋ ٷشٸن كەلٸسٸمشارت جاسالىپ, قوسىمشا 943 شينا جەتكٸزۋگە تاپسىرىس بەرٸلدٸ. جەتكٸزۋ جۇمىسى بەلگٸلەنگەن كەستەگە سەيكەس جٷزەگە اسىرىلۋدا.
2026 جىلدىڭ سوڭىنا دەيٸن قوسىمشا جٶندەۋ جۇمىسىن جٷرگٸزۋ, توزعان بٶلشەكتەردٸ قالپىنا كەلتٸرۋ جەنە ٶندٸرٸستٸك بٶلٸمشەلەردٸ قاجەتتٸ قوسالقى بٶلشەكتەرمەن قامتاماسىز ەتۋ جوسپارلانعان.
باعدارلامانى ٸسكە اسىرۋ تاۋ-كەن جابدىقتارىنىڭ سەنٸمدٸلٸگٸن ارتتىرۋعا, تەحنيكانىڭ جوسپاردان تىس توقتاپ قالۋ قاۋپٸن ازايتۋعا جەنە كەنٸشتەردٸڭ تۇراقتى جۇمىسىن قامتاماسىز ەتۋگە باعىتتالعان.
