Tanymal ánshi Tóreǵali Tóreáli áleýmettik jelidegi kezekti jazbasymen kópshiliktiń nazaryn aýdardy. Óner iesi Threads paraqshasynda aqyn Esenqul Jaqypbektiń óleńinen úzindi jariialaǵan, dep habarlaidy ult.kz.
Ánshiniń bul jolǵy jazbasy da jeli qoldanýshylaryn beijai qaldyrmady. Ol aqynnyń jastyq shaq, ótken ómir jáne ýaqyt týraly oi qozǵaityn óleń joldarymen bólisken.
"Jastyq shaq bizdiń ótti iship,
Jurt uqsap jóndep ishe almai.
Túspeitin kózge kóp túsip,
Túsetin kózge túse almai.
Otyrmyz endi kót qysyp,
Ushaiyn dese usha almai", – dep jazdy ánshi.
Óleń joldarynda jastyqtyń qyzyǵyna berilip, ýaqyttyń qalai ótkenin baiqamai qalǵan adamnyń ókinishi ázil men astarly oi arqyly jetkiziledi.
Alaida óner iesi bul shýmaqty qandai maqsatpen jariialaǵanyn túsindirmegen.
Ánshiniń jazbasyna jurt ne dedi?
Tóreǵali Tóreáliniń kezekti jazbasy áleýmettik jelide túrli pikir týǵyzdy. Keibir oqyrmandar onyń ne aitqysy kelgenin túsinýge tyryssa, endi biri ánshiniń sońǵy ýaqytta jariialap júrgen jazbalaryn synǵa aldy.
"Telefonyn alyp qoiatyn adam bar ma?", "Kúz eshkimdi aiamady", "Qaryndastarynan uiat boldy", "Mynaǵan ne bolǵan?", "Abyroiyn tógip júr", – dep pikir qaldyrǵan jeli qoldanýshylary.
Buǵan deiingi jazbalary da talqylanǵan
Aita keteiik, buǵan deiin Tóreǵali Tóreáliniń áiel men er adamnyń qarym-qatynasyna qatysty aitqan pikirleri de jurtshylyq arasynda qyzý talqyǵa túsken edi.
Ásirese onyń "Áiel sheshinbei, másele sheshilmeidi" jáne "Áýeli tósek terbeledi, sosyn besik terbeledi" degen jazbalary áleýmettik jelide túrli reaktsiia týdyrǵan.
Tóreǵali Tóreáli kim?
Tóreǵali Tóreáli – qazaqstandyq estrada ánshisi, aitysker aqyn ári akter. Tolyq aty-jóni – Tóreǵali Tóreáliuly Álihanov. Ol 1992 jylǵy 14 qazanda Qyzylorda oblysynyń Baiqońyr qalasynda dúniege kelgen. Óner iesi Almatydaǵy Temirbek Júrgenov atyndaǵy óner akademiiasynyń kolledjinde akter mamandyǵy boiynsha bilim alǵan.
Shyǵarmashylyq jolyn aitystan bastap, stýdentter arasyndaǵy birneshe saiysta jeńimpaz jáne respýblikalyq aitystarda júldeger atanǵan. Keiin estradaǵa bet buryp, "Otandy súiý – imannan" ánimen kópshilikke tanyla bastady. Ánshiniń Erke Esmahanmen birge oryndaǵan "Allo" dýeti de keńinen tanyldy.
Ol "Uly dala balasy" degen atpen shyǵarmashylyq keshter ótkizip, jeke kontsertterin usynǵan.
Repertýarynda "Birtúrli qyz", "Saǵynysh", "Naizaǵai bolyp" jáne "Erke qyz" sekildi týyndylar bar.
Óner iesiniń jubaiy – Tolqyn Turarbekqyzy, ánshi otbasylyq ómirindegi jańalyqtardy da áleýmettik jelide bólisip turady.
