Qazaqstan Prezidenti Qasym-Jomart Toqaevtyń Túrkiiaǵa resmi sapary aiasynda Rejep Taiip Erdoǵanmen keńeitilgen quramda kelissóz ótti, dep habarlaidy ult.kz.
Kezdesýde eki el arasyndaǵy saiasi, saýda-ekonomikalyq, investitsiialyq jáne mádeni-gýmanitarlyq yntymaqtastyqty nyǵaitý máseleleri talqylandy. Sondai-aq kólik-logistika, energetika, jasandy intellekt, aýyl sharýashylyǵy jáne qorǵanys ónerkásibi salalaryndaǵy ózara is-qimyl perspektivalary qarastyryldy.
Qasym-Jomart Toqaev Qazaqstan men Túrkiia arasyndaǵy qarym-qatynas máńgilik dostyq pen keńeitilgen strategiialyq seriktestikke negizdelgenin atap ótti. Onyń aitýynsha, Túrkiia – Qazaqstannyń iri bes saýda seriktesiniń biri, sondai-aq el ekonomikasyna investitsiia salatyn jetekshi on memlekettiń qatarynda.
Óz kezeginde Rejep Taiip Erdoǵan ekijaqty taýar ainalymyn 15 milliard dollarǵa jetkizip, investitsiialyq bailanystardy jandandyrýǵa nietti ekenin málimdedi. Ol biyl mamyr aiynda Astanaǵa jasaǵan sapary barysynda qol qoiylǵan Máńgilik dostyq jáne keńeitilgen strategiialyq seriktestik týraly deklaratsiianyń mańyzyn atap ótti.
Kelissóz barysynda taraptar eki el arasyndaǵy yntymaqtastyqty naqty jobalar arqyly odan ári damytýǵa ýaǵdalasty.
