Soltústik Qazaqstan oblysynyń ortalyǵy Petropavlda et ónimderin zańsyz óndiretin tseh anyqtaldy. Zańsyz kásipti uiymdastyrǵan 41 jastaǵy qala turǵyny ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, oblystyq politsiia departamentiniń uiymdasqan qylmysqa qarsy kúres basqarmasynyń qyzmetkerleri jedel aqparatty tekserý barysynda Jambyl kóshesinde ornalasqan zańsyz óndiris ornyn anyqtaǵan.
Kásip iesiniń aitýynsha, ol úirek etin satyp alyp, óńdegennen keiin daiyn ónimdi qala bazarlarynda satqan.
Zańsyz kásipkerlik qyzmet úshin azamat ákimshilik jaýapkershilikke tartyldy. Budan bólek, veterinariialyq inspektsiia mamandary veterinariialyq normalardy buzǵany úshin oǵan qatysty tiisti shara qoldandy.
Al óndiris jaǵdailarynyń sanitariialyq talaptarǵa sáikestigin baǵalaý sanitariialyq-epidemiologiialyq baqylaý qyzmetiniń quzyretine jatady.
Politsiia turǵyndardy azyq-túlik satyp alǵanda muqiiat bolýǵa, ónimniń sapasy men shyǵý tegin rastaityn qujattardy tekserýge shaqyrdy.
