Қазақстандық танымал әнші Алтынай Жорабаева 48 жасқа толған туған күнін отбасымен бірге атап өтті. Өнер иесі мерейлі күніне орай күйеуінен алған сыйлықтарын көпшілікке көрсетіп, жүрекжарды жазбасын жариялады, деп хабарлайды ult.kz.

Әнші әлеуметтік желідегі парақшасында туған күнінен естелік суреттер бөлісті. Кадрлардан отбасымен бірге түскен сәттерін, құшақ-құшақ гүлдер мен түрлі сыйлықтарды көруге болады.

Жаңа жасын ерекше көңіл күймен қарсы алған өнер иесі ең алдымен Жаратқанға шүкіршілік айтып, жанынан табылған жолдасы мен қыздарына алғысын жеткізді.

«Қош келдің, 48 жасым. Аллаға сансыз мақтаулар мен мадақтар. Маған тілеген тілектеріңіз, өздеріңізге еселеп қайтсын. Алла қосқан қосағыма, қыздарыма мың алғыс. Сендерді шексіз жақсы көремін», – деп жазды әнші.

Алтынай Жорабаеваның қуанышына өнердегі әріптестері мен жанкүйерлері де ортақтасты. Олар әншінің жазбасының астына жылы лебіздерін қалдырып, жаңа жасында бақыт пен шығармашылық табыс тіледі.

Айта кетейік, Алтынай Жорабаева қызының тойын дүркіретіп өткізді.

Алтынай Жорабаева кім?

Алтынай Жорабаева – қазақстандық танымал эстрада әншісі, дәстүрлі ән өнері мен заманауи эстраданы ұштастырып жүрген өнер иесі. Ол 1978 жылы 28 қазанда дүниеге келген. Әнші көпшілікке қазақы нақыштағы әндерімен және ұлттық өнерді дәріптейтін шығармашылығымен танылған.

Алтынай Жорабаева ұзақ жылдар бойы қазақ эстрадасында өнер көрсетіп, өзіндік орындаушылық мәнерімен тыңдарман ықыласына бөленді. Оның репертуарында махаббат, отбасы, ата-анаға құрмет және туған жер тақырыбындағы әндер бар. Өнер иесі Қазақстанның түрлі өңірлерінде концерт беріп, шығармашылық кештер ұйымдастырып келеді.

Әнші жеке өмірімен де көпшіліктің назарында. Ол төрт қыздың анасы. Қазіргі жолдасы – Сәбит Әбдіхалықов емес, Құдайберген есімді азамат. Алтынай Жорабаева әлеуметтік желіде отбасылық өмірінен үзінділер жариялап, қыздарының жетістіктерімен бөлісіп тұрады. 2026 жылдың 28 қазанында өнер иесі 48 жасқа толды.