Qazaqstanda áielderge arnalǵan «Umai» ipotekalyq baǵdarlamasyna ótinim qabyldaý 3 qarashada bastalady. Baǵdarlama aiasynda 50 million teńgege deiin nesie alýǵa bolady, dep habarlaidy ult.kz.
«Otbasy bankiniń» málimetinshe, Aziia damý banki baǵdarlamaǵa ekinshi transh retinde 20 milliard teńge bólgen.
Nesie mólsherlemesi jyldyq 14,8%, al jyldyq tiimdi syiaqy mólsherlemesi 16,3–16,8% aralyǵynda. Qatysýshy otbasynyń ortasha ailyq taza tabysy 1 million 250 myń teńgeden aspaýy kerek. Ótinish berýshi sońǵy alty aidaǵy resmi tabysyn rastaýǵa mindetti.
Bastapqy jarna Astana men Almatyda baspana qunynyń keminde 20%-yn, basqa qalalarda 15%-yn quraidy. Bank nesie somasyn eseptegende úidiń satyp alý baǵasy men baǵalaý qunynyń tómengisin negizge alady.
Ótinimdi bank keńesshileri arqyly, onlain beineqyzmet kómegimen nemese bólimshege baryp berýge bolady.
