قازاقستاندا ەيەلدەرگە ارنالعان «ۇماي» يپوتەكالىق باعدارلاماسىنا ٶتٸنٸم قابىلداۋ 3 قاراشادا باستالادى. باعدارلاما اياسىندا 50 ميلليون تەڭگەگە دەيٸن نەسيە الۋعا بولادى, دەپ حابارلايدى ult.kz.
«وتباسى بانكٸنٸڭ» مەلٸمەتٸنشە, ازييا دامۋ بانكٸ باعدارلاماعا ەكٸنشٸ ترانش رەتٸندە 20 ميلليارد تەڭگە بٶلگەن.
نەسيە مٶلشەرلەمەسٸ جىلدىق 14,8%, ال جىلدىق تيٸمدٸ سىياقى مٶلشەرلەمەسٸ 16,3–16,8% ارالىعىندا. قاتىسۋشى وتباسىنىڭ ورتاشا ايلىق تازا تابىسى 1 ميلليون 250 مىڭ تەڭگەدەن اسپاۋى كەرەك. ٶتٸنٸش بەرۋشٸ سوڭعى التى ايداعى رەسمي تابىسىن راستاۋعا مٸندەتتٸ.
باستاپقى جارنا استانا مەن الماتىدا باسپانا قۇنىنىڭ كەمٸندە 20%-ىن, باسقا قالالاردا 15%-ىن قۇرايدى. بانك نەسيە سوماسىن ەسەپتەگەندە ٷيدٸڭ ساتىپ الۋ باعاسى مەن باعالاۋ قۇنىنىڭ تٶمەنگٸسٸن نەگٸزگە الادى.
ٶتٸنٸمدٸ بانك كەڭەسشٸلەرٸ ارقىلى, ونلاين بەينەقىزمەت كٶمەگٸمەن نەمەسە بٶلٸمشەگە بارىپ بەرۋگە بولادى.
