Freedom Holding Corp. ٶزٸنٸڭ ەنشٸلەس كومپانيياسى Freedom Lab ارقىلى اۆتوجولداردى باقىلايتىن ينتەللەكتۋالدى جٷيەنٸ (اجبيج) سالۋعا 112 ملرد تەڭگەدەن استام ينۆەستيتسييا قۇيادى. تيٸستٸ كەلٸسٸمگە قازاقستان رەسپۋبليكاسىنىڭ كٶلٸك مينيسترلٸگٸ قول قويدى.
اۆتوجولداردىڭ ساپاسى مەملەكەتتٸك كٷن تەرتٸبٸندەگٸ باسىم باعىتتاردىڭ بٸرٸ بولىپ قالا بەرەدٸ. پرەزيدەنت قاسىم-جومارت توقاەۆ 2026 جىلعى 28 قازانداعى قازاقستان حالقىنا جولداۋىندا:
«ساپالى جولدار مەن زاماناۋي جول بويىنداعى قىزمەت كٶرسەتۋ ينفراقۇرىلىمى بولماسا, قازاقستان جاھاندىق ترانزيتتٸك دەلٸز نەمەسە ەۋرازييانىڭ كٶلٸك-لوگيستيكالىق حابى مەرتەبەسٸنە ٷمٸتكەر بولا المايدى», — دەپ اتاپ ٶتتٸ.
جوبا دەل وسى مٸندەتتٸ شەشۋگە باعىتتالعان: جٷيە اۆتوماتتى ٶلشەۋ ستانتسييالارىنىڭ (اٶس) نەگٸزٸندە جۇمىس ٸستەيدٸ. ولار كٶلٸك قۇرالدارىنىڭ سالماعى مەن گاباريتتەرٸن انىقتاپ, دەرەكتەرٸن تٸركەيدٸ جەنە وستەرگە تٷسەتٸن جٷكتەمەنٸ باعالايدى. اقپارات قورعالعان بايلانىس ارنالارى ارقىلى بٸرىڭعاي جٷيەگە بەرٸلەدٸ. وندا اناليتيكالىق پلاتفورما دەرەكتەردٸ تەكسەرۋ مەن ساقتاۋدى, تالداۋدى جەنە مەملەكەتتٸك اقپاراتتىق جٷيەلەرمەن الماسۋدى قامتاماسىز ەتەدٸ. كومپانييانىڭ اتاپ ٶتۋٸنشە, جٷيە تەك دەرەكتەردٸ ۇسىنادى: قۇقىق بۇزۋشىلىق تۋرالى شەشٸم قابىلداۋ جەنە جازا قولدانۋ مەملەكەتتٸك ورگانداردىڭ قۇزىرەتٸندە قالادى.
جوبا اۆتورلارىنىڭ ايتۋىنشا, قازٸرگٸ ستانتسييالارعا قاتىستى نەگٸزگٸ مەسەلەلەردٸڭ بٸرٸ — وبەكتٸلەر مەن ولاردى باسقارۋ جٷيەسٸنٸڭ بىتىراڭقىلىعى. جوبا اياسىندا جٷيەنٸڭ جۇمىسىن قامتاماسىز ەتەتٸن بٸرىڭعاي وپەراتور بەلگٸلەنەدٸ. قولدانىستاعى 85 اٶس-تٸ تٷگەندەۋ جەنە جاڭعىرتۋ جۇمىستارىنان كەيٸن تاعى 135 جاڭا ستانتسييا ٸسكە قوسىلادى.
«بٸز جٷك كٶلٸكتەرٸ قوزعالىسىنىڭ شامامەن 80%-ىن قامتيتىن بٸرىڭعاي جٷيە قۇرىپ جاتىرمىز. بۇل — بىتىراڭقى ستانتسييالاردان ٶلشەۋ, دەرەكتەردٸ تەكسەرۋ جەنە تالداۋ پروتسەستەرٸن بٸرٸكتٸرەتٸن تۇتاس جٷيەگە كٶشۋ. بٸزدٸڭ باعالاۋىمىزشا, اۆتوجولدارعا كەلەتٸن زالالدى ازايتۋ ەسەبٸنەن مەملەكەت ٷشٸن ەكونوميكالىق تيٸمدٸلٸك شامامەن 1 ترلن تەڭگەنٸ قۇرايدى», - دەپ حابارلادى «Freedom Lab» جشس باس ديرەكتورى چينگيز كۋلاحمەتوۆ.
ستانتسييالار مەن جٷيەنٸڭ باسقا دا كومپونەنتتەرٸنٸڭ جاي-كٷيٸن باقىلاۋدى اجبيج-دٸڭ احۋالدىق ورتالىعى قامتاماسىز ەتەدٸ. ول سونداي-اق قۇقىق بۇزۋشىلىق فاكتٸسٸن راستايتىن دەلەلدەمەلٸك ماتەريالداردىڭ ساپاسىنا جاۋاپ بەرەدٸ. جوبا بٸرىڭعاي باسقارۋ جٷيەسٸن قۇرۋعا, ٶلشەۋ دەرەكتەرٸنٸڭ دەيەكتٸلٸگٸن قامتاماسىز ەتۋگە جەنە جٷك اعىنىن تالداۋعا مٷمكٸندٸك بەرەدٸ.
چينگيز كۋلاحمەتوۆتٸڭ ايتۋىنشا, جوبا تٸكەلەي جول قوزعالىسى قاۋٸپسٸزدٸگٸن قامتاماسىز ەتۋگە باعىتتالماعانىمەن, وعان وڭ ەسەرٸن تيگٸزەدٸ: تۇراقتى باقىلاۋ جٷرگٸزۋ جەنە قۇقىق بۇزۋشىلىقتاردى تٸركەۋ جٷرگٸزۋشٸلەردٸڭ قاۋٸپتٸ ەرەكەتتەرگە بارۋ ىقتيمالدىعىن تٶمەندەتەدٸ. ەسەپتەۋلەرگە سەيكەس, جوبانى 10 جىل بويى ٸسكە اسىرۋ شامامەن 400 جول-كٶلٸك وقيعاسىنىڭ, ادام ٶلٸمٸنە ەكەلەتٸن 177 جاعدايدىڭ جەنە 1 400-دەن استام جاراقات الۋ جاعدايىنىڭ الدىن الۋعا مٷمكٸندٸك بەرەدٸ.
كەلٸسٸمگە شىمكەنتتە ٶتكەن جاھاندىق ينۆەستيتسييالار جٶنٸندەگٸ قازاقستاننىڭ IX دٶڭگەلەك ٷستەلٸ (Kazakhstan Global Investment Roundtable, KGIR) اياسىندا قول قويىلدى. ٸس-شاراعا 40-تان استام ەلدەن 500-دەن استام ينۆەستور مەن بيزنەس ٶكٸلٸ قاتىستى. جيىن بارىسىندا جالپى سوماسى 4,8 ملرد اقش دوللارىن قۇرايتىن 22 قۇجاتقا قول قويىلدى. پلەنارلىق سەسسييادا سٶز سٶيلەگەن پرەمەر-مينيستر ولجاس بەكتەنوۆ وزىق تەحنولوگييالاردى ەنگٸزۋ جەنە جاڭا ٶندٸرٸس ورىندارىن قۇرۋ ارقىلى ەكونوميكانى ساپالى جاڭعىرتۋدىڭ ەل ٷشٸن ايرىقشا ماڭىزعا يە ەكەنٸن اتاپ ٶتتٸ.
فوتو: Freedom
