استانادا سٷيٸكتٸسٸنە ۇسىنىس جاساۋ ٷشٸن ساياباقتا ساليۋت اتقان 24 جاستاعى ازامات 5 تەۋلٸككە ەكٸمشٸلٸك قاماققا الىندى, دەپ حابارلايدى ult.kz.
Polisia.kz مەلٸمەتٸنشە, وقيعا تٷنگٸ ساعات 01:20 شاماسىندا جۇمابەك تەشەنوۆ كٶشەسٸندەگٸ اتاتٷرٸك ساياباعىندا بولعان. نۇركەن تٶرەمۇراتوۆ رومانتيكالىق ۇسىنىس جاساۋ كەزٸندە پيروتەحنيكالىق بۇيىمداردى قولدانىپ, قوعامدىق تەرتٸپ تالاپتارىن بۇزعان.
وسى دەرەك بويىنشا وعان قاتىستى ەكٸمشٸلٸك قۇقىق بۇزۋشىلىق تۋرالى كودەكستٸڭ 436-بابىنىڭ 2-بٶلٸگٸمەن حاتتاما تولتىرىلىپ, ٸس سوتقا جولداندى. سوت شەشٸمٸمەن ازامات 5 تەۋلٸككە ەكٸمشٸلٸك قاماققا الىندى.
