رەسەيدە كەيبٸر قىزمەتكەرلەر ٶزدەرٸنە جاقپايتىن باسشىلار مەن ەرٸپتەستەرٸنەن قۇتىلۋ ٷشٸن ەزوتەريكالىق تەسٸلدەرگە جٷگٸنە باستاعان. Ozon ماركەتپلەيسٸندە ادامدى جۇمىستان كەتٸرۋگە ارنالعان سيقىرلى شامعا سۇرانىس ارتىپ كەلەدٸ, دەپ حابارلايدى ult.kz.
شٶپتەر قوسىلعان بالاۋىزدان جاسالعان بۇيىم جۇمىس ورنىندا جانجال شىعارىپ, تٷرلٸ ينتريگاعا باراتىن نەمەسە ٷنەمٸ باقىلاۋ جٷرگٸزەتٸن ادامداردان ارىلۋعا كٶمەكتەسەدٸ دەپ جارنامالانعان. ماركەتپلەيستەگٸ مەلٸمەتكە سەيكەس, شامنىڭ باعاسى – 687 رۋبل.
ٶنٸمدٸ ەزٸرلەۋشٸلەر شامدى ارنايى رەسٸمدەرگە ارنالعان قۇرال رەتٸندە ۇسىنادى. سيپاتتامادا ونىڭ قولدان جاسالاتىنى جەنە شەبەر تاراپىنان الدىن الا بەلسەندٸرٸلەتٸنٸ جازىلعان. جارنامالىق باننەردە رەسٸمنٸڭ كەرٸ جاعىمسىز سالدارى بولمايتىنى ايتىلىپ, جالىن ەنەرگيياسى قاجەتسٸز ادامنىڭ قىزمەتٸنەن كەتۋٸنە ىقپال ەتەدٸ دەگەن تۇجىرىم كەلتٸرٸلگەن.
ماركەتپلەيستەگٸ كٶرسەتكٸشتەر دە تاۋارعا قىزىعۋشىلىق جوعارى ەكەنٸن اڭعارتادى. شامنىڭ رەيتينگٸ 5 بالدىڭ 4,9-ىن قۇرايدى. ول شامامەن 18 مىڭ باعا العان. پٸكٸرلەر بٶلٸمٸندە ساتىپ الۋشىلار ٶنٸمدٸ قولدانۋ تەجٸريبەسٸمەن بٶلٸسٸپ, ەرٸپتەستەرٸنە قاتىستى ٶتكٸزگەن رەسٸمدەرٸ تۋرالى جازعان.
ساتىپ الۋشىلاردىڭ بٸرٸ ٶزٸنە جاقپايتىن ەرٸپتەسٸنٸڭ فوتوسۋرەتٸ الدىندا جەتٸ كٷن بويى ارنايى رەسٸم جاساعانىن ايتقان. ونىڭ سٶزٸنشە, دۇعاعا ۇقساس مەتٸندٸ وقىعان كەزدە سۋرەت جاپسىرىلعان قاعاز جىلىنا باستاعان.
«ماعان كەدەرگٸ كەلتٸرەتٸن ەيەل قازٸر تىنىشتالدى. بٸر جىلعا جۋىق ۋاقىت بويى مەنٸڭ ەموتسيياممەن قورەكتەنٸپ كەلگەن ەدٸ, ال قازٸر اۋرۋحاناعا كەتٸپ قالدى. رەسٸمدٸ وعان جاماندىق جاساۋ ٷشٸن ەمەس, ٶزٸمدٸ قورعاۋ ٷشٸن باستادىم», – دەپ جازعان ساتىپ الۋشىلاردىڭ بٸرٸ.
الايدا شامنىڭ ادامدى جۇمىستان كەتٸرۋگە ىقپال ەتەتٸنٸ تۋرالى مەلٸمدەمەلەر ساتىپ الۋشىلاردىڭ جەكە پٸكٸرلەرٸنە نەگٸزدەلگەن. ونىڭ مۇنداي ەسەرٸ عىلىمي تۇرعىدان دەلەلدەنبەگەن.
