ورالدا بۋكمەكەرلٸك پلاتفورمادا 3,8 ميلليون تەڭگەدەن استام سوماعا بەس تٸگٸلگەن مەملەكەتتٸك قىزمەتشٸ جۇمىستان بوساتىلۋىنا بايلانىستى سوتقا شاعىمداندى. ول ستاۆكالاردى ٶزٸ ەمەس, اككاۋنتىنا قول جەتكٸزگەن تۋىسى جاساعانىن ايتقان. الايدا سوت ونىڭ تالاپتارىن قاناعاتتاندىرمادى, دەپ حابارلايدى ult.kz.
باتىس قازاقستان وبلىستىق سوتىنىڭ باسپاسٶز قىزمەتٸنٸڭ مەلٸمەتٸنشە, 2025 جىلى ەر ادامنىڭ اتىنا تٸركەلگەن اككاۋنت ارقىلى 260 بەس تٸگٸلگەن. جالپى سوماسى 3,8 ميلليون تەڭگەدەن اسقان.
شەنەۋنٸك جۇمىستان بوساتۋ تۋرالى بۇيرىقتاردى زاڭسىز دەپ تانىپ, قىزمەتٸنە قايتا ورالۋدى جەنە مورالدىق ٶتەماقى تٶلەۋدٸ تالاپ ەتكەن. بٸراق سوت اككاۋنتتى باسقا ادامعا پايدالانۋعا بەرۋ مەملەكەتتٸك قىزمەتشٸنٸ زاڭ تالاپتارىن ساقتاۋ مٸندەتٸنەن بوساتپايتىنىن اتاپ ٶتتٸ.
سوت بارلىق تالاپتى قاناعاتتاندىرۋدان باس تارتتى. شەشٸم زاڭدى كٷشٸنە ەندٸ.
بۇعان دەيٸن جەتٸسۋ وبلىسىندا قۇمار ويىندارعا جٷيەلٸ تٷردە قاتىسقان ەكٸ شەنەۋنٸك تە جۇمىستان بوساتىلعان. ولاردىڭ ويىن شوتتارىن تولىقتىرعان قاراجاتى 7,7 ميلليون تەڭگەدەن اسقان.
ەسكە سالايىق, 2024 جىلدىڭ قىركٷيەگٸنەن باستاپ قازاقستاندا مەملەكەتتٸك قىزمەتشٸلەرگە جەنە زاڭدا كٶرسەتٸلگەن بٸرقاتار ساناتتاعى ازاماتتارعا قۇمار ويىندار مەن بەس تٸگۋگە قاتىسۋعا تىيىم سالىنعان.
