Oralda býkmekerlik platformada 3,8 million teńgeden astam somaǵa bás tigilgen memlekettik qyzmetshi jumystan bosatylýyna bailanysty sotqa shaǵymdandy. Ol stavkalardy ózi emes, akkaýntyna qol jetkizgen týysy jasaǵanyn aitqan. Alaida sot onyń talaptaryn qanaǵattandyrmady, dep habarlaidy ult.kz.
Batys Qazaqstan oblystyq sotynyń baspasóz qyzmetiniń málimetinshe, 2025 jyly er adamnyń atyna tirkelgen akkaýnt arqyly 260 bás tigilgen. Jalpy somasy 3,8 million teńgeden asqan.
Sheneýnik jumystan bosatý týraly buiryqtardy zańsyz dep tanyp, qyzmetine qaita oralýdy jáne moraldyq ótemaqy tóleýdi talap etken. Biraq sot akkaýntty basqa adamǵa paidalanýǵa berý memlekettik qyzmetshini zań talaptaryn saqtaý mindetinen bosatpaitynyn atap ótti.
Sot barlyq talapty qanaǵattandyrýdan bas tartty. Sheshim zańdy kúshine endi.
Buǵan deiin Jetisý oblysynda qumar oiyndarǵa júieli túrde qatysqan eki sheneýnik te jumystan bosatylǵan. Olardyń oiyn shottaryn tolyqtyrǵan qarajaty 7,7 million teńgeden asqan.
Eske salaiyq, 2024 jyldyń qyrkúieginen bastap Qazaqstanda memlekettik qyzmetshilerge jáne zańda kórsetilgen birqatar sanattaǵy azamattarǵa qumar oiyndar men bás tigýge qatysýǵa tyiym salynǵan.
