شىمكەنت – الماتى باعىتىنداعى رەيستە كونديتسيونەرٸ قوسىلماعان, ەسٸكتەرٸ جابىق ۇشاقتىڭ ٸشٸندە 45 مينۋت وتىرعان جولاۋشى FlyArystan ەۋە كومپانيياسىن سوتقا بەرٸپ, مورالدىق زييان ٷشٸن ٶتەماقى ٶندٸرٸپ الدى, دەپ حابارلايدى ult.kz.
Newtimes.kz پورتالىنىڭ حابارلاۋىنشا, وقيعا شٸلدە ايىندا شىمكەنت ەۋەجايىندا بولعان. سىرتتاعى اۋا تەمپەراتۋراسى 40 گرادۋسقا جەتكەن كەزدە جولاۋشىلار جابىق ۇشاقتىڭ ٸشٸندە كونديتسيونەرسٸز شامامەن 45 مينۋت كٷتۋگە مەجبٷر بولعان.
زاڭگەر ابىلاي بايتەنوۆ قىزمەت كٶرسەتۋ ساپاسىنا كەلٸسپەي, سوتقا تالاپ ارىز تٷسٸرگەن. ول نەگٸزگٸ دەلەل رەتٸندە وقيعا كەزٸندە سمارتفونىنا تٷسٸرٸلگەن بەينەجازبالاردى ۇسىنعان.
«شٸلدە ايىندا كەشكٸ ساعات 17:00-دە شىمكەنت ەۋەجايىندا ەسٸكتەرٸ جابىق, كونديتسيونەرٸ قوسىلماعان ۇشاقتىڭ ٸشٸندە بٸزدٸ 45 مينۋت بويى ۇستاپ وتىردى. سوتتاعى ەۋە تاسىمالداۋشىنىڭ ۇستانىمى مىناداي بولدى: ەشقانداي قورقىنىشتى جاعداي جوق, ونداي بولىپ تۇرادى, ەشقانداي زاڭبۇزۋشىلىق جوق», – دەپ جازدى بايتەنوۆ ەلەۋمەتتٸك جەلٸدەگٸ پاراقشاسىندا.
بٸرٸنشٸ ساتىداعى سوت جولاۋشىنىڭ تالابىن قاناعاتتاندىردى. سوت شەشٸمٸمەن FlyArystan كومپانيياسىنان مورالدىق زييان ٷشٸن ٶتەماقى ٶندٸرٸلٸپ, تالاپ قويۋشىنىڭ سوت شىعىندارىن تولىق ٶتەۋ مٸندەتتەلدٸ.
زاڭگەر ٸستٸڭ ەرٸ قاراي جالعاسۋىنا دايىن ەكەنٸن ايتىپ, ەۋە كومپانيياسى اپەللياتسييالىق شاعىم تٷسٸرۋٸ مٷمكٸن ەكەنٸن جەتكٸزدٸ.
